.

قىرانشا قۇلاي سۇيۋ

شاعىلىسۋ كەزىندە شەڭگەلدەرىن تاستاي بەكىتىپ الىپ، جەرگە قاراي قۇلديلايدى!

شاعىلىسۋ كەزىندە شەڭگەلدەرىن تاستاي بەكىتىپ الىپ، جەرگە قاراي قۇلديلايدى!

Haliaeetus leucocephalus اتتى اقباس بۇركىتتەر ادەپتىلىكتىڭ ۇلگىسىندەي. جىرتقىش قۇستار ومىر بويى تەك بىر عانا سەرىگىمەن تىرشىلىك ەتەدى. عالىمداردىڭ ايتۋىنشا، «مونوگامدى» سانالاتىن كەيبىر قۇستار باسقالارمەن جۇپتاسىپ تا جاتادى. تەك اقباس بۇركىتتەر عانا ويتپەيدى. شاعىلىسۋ كەزىندە ولار قوقيلانىپ، بىر-بىرىنە دەگەن قۇشتارلىعىن ريياسىز بىلدىرەدى. تەننەسسي ۋنيۆەرسيتەتىنىڭ زەرتتەۋشىسى دەۆيد بيۋلەردىڭ ايتۋىنشا، ولاردىڭ قيمىلى شاعىلىسۋداعى عاجاپ راسىم. ەكەۋى شەڭگەلدەرىن ايقاستىرعان كۇيى بيىكتە اۋەلەپ جۇرەدى دە كەنەت تومەن قاراي قۇلديلاي جونەلەدى. ادەتتە قۇشاقتارى جەرگە جەتپەي اجىرايدى، بىراق كەيدە ۇلگەرە الماي دا قالادى. (قازاق تىلىندەگى «قۇلاي سۇيۋ» دەگەن سوز وسى قۇبىلىسقا قاراپ ايتىلعان سەكىلدى. – رەد.) 2014 جىلى ورەگون شتاتىنىڭ پورتلەند قالاسىنداعى اعاشتار اراسىنان شەڭگەلدەرى ايقاسقان ەكى بۇركىت تابىلدى. ارتىنشا ەكەۋى دە بوساتىلىپ، ۇشىپ كەتكەن. «بۇنىڭ مانى – سۇيىكتىڭنىڭ ساعان قانشالىقتى لايىق ەكەنىن تەكسەرۋ. وتە قاۋىپتى! مۇنداي تريۋكتىڭ سوڭى قايعىلى جاعدايمەن اياقتالۋى مۇمكىن. بۇل – سەرىگىڭە قوسىلۋ مەن وز جانىڭدى امان الىپ قالۋ اراسىنداعى تاتتى ارپالىس»، – دەيدى دەۆيد بيۋلەر. – پاتريسييا ەدموندس


تىرشىلىك ورتاسى / تارالۋ ايماعى

سولتۇستىك امەريكا سۋ جولدارى ماڭىنداعى ورماندار

قورعالۋ مارتەبەسى

«جويىلۋ قاۋپى تونگەن جانۋارلار» اكتىسى اياسىندا جانە ددت پەستيتسيدىنە تىيىم سالىنعاننان سوڭ اقباس بۇركىتتەردىڭ سانى قالپىنا كەلدى جانە جويىلىپ كەتۋ قاۋپى سەيىلدى.

فوتو: حارري ەگگەنس

       

پىكىر جازۋ