اسپالى جول داۋىرى كەلە جاتىر

head01قاي زاماندا دا كولىك سالاسىنا جولاۋشىلار مەن جۇكتەردى دىتتەگەن جەرىنە مەيلىنشە جىلدام جانە قاۋىپسىز جەتكىزۋ باستى تالاپ بولىپ قويىلعان. ال باسەكەلەستىك ەكونوميكانىڭ قاي تارماعىن الىپ قاراساق تا قىزىپ-اق تۇرعانى بەلگىلى. الايدا ونداي باسەكەدە وق بويى وزىپ شىعۋ باعى اركىمنىڭ ماڭدايىنا جازىلا بەرمەيدى. سوندىقتان بولار كەيىنگى ون جىلدىقتا جولاۋشىعا تالاسقان اۆتوبۋستار جەڭىل كولىكتەرمەن، ال پوەزدار ۇشاقتارمەن جارىسا باستاعان. مىنە، سونداي پوەزداردىڭ بىرىن رەسەيلىك «RSW Investment Group Ltd» كومپانيياسى ۇسىنىپ وتىر. كومپانييا «Sky Way Invest Group» ساۋدا ماركاسىن قازاقستان نارىعىنا ەنگىزۋدى كوزدەيدى. سىمدى-رەلسپەن جۇرەتىن ول كولىك ىسكە قوسىلار بولسا، وندا استانا مەن الماتى اراسىن بار بولعان 2 ساعات 10 مينۋتتا جۇرىپ وتۋگە بولادى ەكەن.

002

003

وسى كومپانييانىڭ قازاقستانداعى وكىلى، «قازاقترانسنەت» جشس ديرەكتورى جاميلا جاقىپقىزى جۇسىپبەكوۆا حانىممەن تىلدەسكەنىمىزدە، تومەندەگىدەي اقپاراتتاردان حاباردار بولدىق. ەندىگى سوز كەزەگى ج. جاقىپقىزىندا:

وتكەن تاريحقا كوز سالساق، الەمدى، ادامزاتتىڭ تۇرمىسىن وزگەرتكەن بەس ۇلكەن تەحنولوگييالىق جاڭالىقتىڭ بولعانى ايتىلادى. ولار: تىگىن ستانوكتارىنىڭ پايدا بولۋى، بۋمەن جۇرەتىن كولىكتەردىڭ جۇرە باستاۋى، ىشكى جانۋعا نەگىزدەلگەن كولىكتەردىڭ شىعۋى، ەلەكتر توعىنىڭ پايدا بولۋى جانە ميكروەلەكترونيكانىڭ ىسكە قوسىلۋى. قازىر ادامزات قاۋىمى وسىنداي التىنشى جاڭالىقتىڭ اشىلۋى الدىندا تۇر. ول – اناتوليي يۋنيتسكيي ويلاپ تاپقان Sky Way (سكايۆەي) جەلىلى ترانسپورت تەحنولوگيياسى، ياعني سىمدى-رەلستىك ەستاكادالىق جولدار. ونىمەن ونەركاسىپتىك، سۇيىق جانە ارنايى جۇكتەردى ساعاتىنا 120 شاقىرىم جىلدامدىقپەن 10 مىڭ شاقىرىمعا دەيىن تاسىمالداۋعا بولادى. بۇل كولىك وزىنىڭ ۇنەمدىلىگى، جىلدامدىعى جانە تيىمدىلىگىمەن ەرەكشەلەنەدى. داستۇرلى تەمىرجول ترانسپورتىنا قاراعاندا، ونى قۇراۋ مەن كۇردەلى جوندەۋدەن وتكىزۋگە شىعاتىن شىعىن بىرنەشە ەسە ارزانعا تۇسەتىنى بىلاي تۇرسىن، ول كولىك تۇرى ەسە قاۋىپسىز بولىپ تابىلادى. ويتكەنى بۇل  كولىك بۇرىلماستان،  توتەسىنەن تىكە جۇرەتىندىكتەن، جولىندا الدەبىر تىرشىلىك يەلەرىمەن سوقتىعىسۋى مۇمكىن ەمەس. رەلستىڭ جازىق باسى مەن تسيليندرلىك بولات دوڭعالاق قوزعالىس كەزىندە وتە از شىعىن كەتىرۋدى قامتاماسىز ەتەدى. ايتالىق، بۇل ارالىقتى Sky Way ساعاتىنا 450 شاقىرىم قاشىقتىقتى 1 ساعات 40 مينۋتتا جۇرىپ وتسە، جولاقىسى 1300 تەڭگە بولماق. ال ۇشاققا وتىرعان ادام 900 شاقىرىم قاشىقتىققا 3 ساعات ۋاقىتى مەن 16 مىڭ تەڭگەسىن جۇمسايدى. ەلەكتر توعىمەن جۇرەتىن «ساپسان» پوەزى بولسا ساعاتىنا 200 شاقىرىم جىلدامدىقپەن 4 ساعاتتا جۇرىپ وتسە، جولاقىسىنا 17 مىڭ تەڭگەدەن ارتىق اقشا جۇمسالادى. ساعاتىنا 80 شاقىرىم جىلدامدىقپەن جۇرىپ وتەتىن اۆتوكولىككە ونداي قاشىقتىقتى جۇرىپ وتۋ ۇشىن 9 ساعات 30 مينۋت قاجەت. ال پويىزداردىڭ جىلدامدىعى تىپتەن تومەن. ولار بۇل قاشىقتىقتى 11 ساعات جۇرەدى. وسىنىڭ وزى-اق كولىك بۇل تۇرىنىڭ قانشالىقتى ۇنەمدى ارى جۇردەك ەكەنىن اڭعارۋ قيىن ەمەس.

004

جوسپار بويىنشا بۇل كولىك قالالىق، جۇك تاسىمالدايتىن جانە جوعارى جىلدامدىقتى بولىپ 3 مودەلگە بولىنەدى. جوعارى جىلدامدىقتى پوەزبەن جولاۋشى تاسىمالداۋدىڭ وزىندىك قۇنى ماگنيتتى جاستىقپەن جۇرەتىن پويىزدان 5، ال ۇشاقپەن سالىستىرعاندا 10 ەسەگە ارزان بولماق.

005

006

فوتو: skywayinvestgroup.com

    

3 پىكىر جازىلعان

پىكىر جازۋ