بابىن تاپسا اققۋلار دا قىرۋار قارجى اكەلەدى

01

قىتاي حالىق رەسپۋبليكاسىندا اينالاسىن اسەمدىككە بولەگەن اققۋ قۇسىنىڭ وردالى مەكەنى بار. بىر ماۋسىمدا 150-گە جۋىق اققۋ قاتار تىرشىلىك ەتەتىن كولشىككە كەلۋشىلەر قاتارى جىل وتكەن سايىن ەسەلەنىپ كەلەدى. سوڭعى مالىمەتتەر بويىنشا، بيىلعى ماۋسىم اياقتالماي جاتىپ-اق كولگە كەلگەن تۋريستەر سانى 100 مىڭنان اسقان. اققۋدى دا مول تابىس كوزىنە اينالدىرۋعا بولاتىنىن ەسكەرگەن جەرگىلىكتى بيلىك وكىلدەرى بىلتىردان بەرى كولدىڭ اينالاسىن قورشاۋعا الىپ، ساياحاتشىلاردىڭ جۇرىپ-تۇرۋىنا مەيلىنشە قولايلى جاعداي جاساپ قويعان.

02

قۇلجا اۋدانى جاڭاتام اۋىلى ماڭىنداعى شاعلىق قىستاعىنداعى بۇل كول وسىدان 10 جىل بۇرىن الدەبىر كاسىپكەردىڭ مەنشىگىنە وتكەن ەكەن. ال سول جىلدىڭ كۇزىندە جىلى جاققا بەت العان بىر جۇپ اققۋ از ۋاقىتقا كولگە قونعان ساتتە كول يەسى ولارعا ازىعىن بەرىپ، ايرىقشا قامقورلىق كورسەتەدى. جايلى ورتاعا كەنەتتەن تاپ بولعان اققۋلار بولسا قىستاۋ ۇشىن سول كولگە قالىپ قويادى. كەلەسى جىلى الگى جۇپ وزدەرىمەن بىرگە 16 اققۋدى، ودان كەيىنگى جىلدارى 30،70،90 اققۋدى وزدەرىمەن بىرگە ەرتە كەلسە، بۇگىندە ولاردىڭ سانى 150-دەن اسىپ كەتكەن.

03

بۇل كولدىڭ ماحابباتتىڭ سيمۆولىنا اينالعان قۇستار ۇشىن جايلى ورتا رەتىندە قالىپتاسۋىنا سۋدىڭ تەمپەراتۋراسى قىستى كۇندەرى – 0 گرادۋستان تومەن تۇسپەيتىندىگى نەگىزگى سەبەپ بولسا كەرەك. سۋىق كۇندەرى بۋى بۇرقىراعان، كول جاعاسىنداعى اعاشتاردى قىراۋ شالعان، ارى كول بەتىندە جۇزدەگەن اققۋدىڭ قاتار جۇزگەنىن كورۋ باقىتى كەز كەلگەننىڭ ماڭدايىنا جازىلا بەرمەيدى.

04

مامانداردىڭ ايتۋىنشا، بۇل اققۋلار وزىمىزدىڭ بالقاش كولىنەن ۇشىپ بارادى ەكەن. سوعان قاراعاندا، بىز بارىمىزدى ۇقساتا الماي جۇرگەندەيمىز. اققۋلاردىڭ بۇل كولدەگى قىستاۋ ماۋسىمى قازاننان ساۋىر ايىنا دەيىن سوزىلادى.

05

06

07

08

09

10

11

12

مىنا فوتوسۋرەتتەردى سارسەنبەك قىزايبەكۇلى ەسىمدى قازاقستاندىق فوتوگراف قىتاي ەلىنە ارنايى ساپارلاپ بارعان كەزىندە سۋرەتكە تۇسىرىپ العان ەكەن.

فوتو: سارسەنبەك قىزايبەكۇلى

    

3 پىكىر جازىلعان

  • سوز جوق، كەرەمەت سۋرەتتەر!!! فوگوگرافپىن، فوتوتىلشىمىن دەپ كەۋدە سوعىپ جۇرگەن كەيبىر جىگىتتەر ساكەڭنەن ۇيرەنسە ەكەن،-دەگەن تىلەك بار مەندە. نە دەگەن تالانت، نە دەگەن ونەر دەسەڭشى، ار سۋرەتى سويلەپ تۇر عوي. وتە اسەرلى. وسىنداي سۋرەتتەر تۇسىرۋ ۇشىن، فوتواپپاراتپەن «شىق» دەگىزۋ ازدىق ەتەدى، ەڭ الدىمەن جان-دۇنيەڭ تۆورچەستۆوعا تولى بولۋ كەرەك دەپ ويلايمىن. ورىستاردا بىر ماقال بار عوي; «جۋرناليستيكا ەتو نە پروفەسسييا، ا پريزۆانيە» دەگەن. فوتوگراف دال سونداي.

پىكىر جازۋ