.

قىران بۇركىت قايسارلىقتىڭ بەلگىسى

01

قازاققا بۇركىتتەن جاقىن قۇس جوق شىعار سىرا. بۇركىتتى قازاقتارشا تۇسىنىپ، قازاقتارشا باعالاعان، تۇرمىس-سالتىنا ەتەنە ارالاستىرعان حالىق كەم دە كەم. سەبەبى قازاقتار قۇس ادامدى وجەتتىلىككە، ەرلىككە، العىرلىققا، ەپتىلىك پەن ەركىندىككە جەتەلەيدى دەپ ۇققان.

02

بۇركىت قارشىعا تۇقىمداسىنىڭ قىراندار تۋىسىنا جاتاتىن جىرتقىش قۇس. كوبىنەسە توعايلى جانە تاۋلى جەردە تىرشىلىك ەتەدى. ۇيالارىن اعاش باسىنا، قىرقالار مەن بيىك شىڭدارعا سالىپ، 1 نەمەسە 2 جۇرتقا تابادى. قۇستىڭ بۇل تۇرى كوپتەگەن ەلدە تىرشىلىك ەتكەنىمەن كەيبىر ۇلت وكىلدەرى عانا ونى قولعا ۇيرەتىپ، تۇلكى، قويان، ەلىك، قاراقۇيرىق، تاۋەشكى مەن قاسقىرعا دا سالادى.

03

جۇپتاسىپ تىرشىلىك ەتەتىن قىران بۇركىت ۇزىن تىرناقتارىمەن جەمتىگىنىڭ ومىرتقاسىن بۇرىپ قىسىپ، تۇمسىعىمەن شوقىپ جەيدى.

04

ەرتەرەكتە قازاقتار بۇركىتتى قاسيەتتى قۇس ساناعاندىقتان، سۇسىنان جىن-شايتان قاشادى دەپ ۇققاندىقتان جاڭا قونىسقا توقتاعاندا، ۇشىنعان جانە تىل-كوز تيگەن بۇركىتپەن الاستايتىن بولعان.

05

قازاقتا سىرتتان ۇيگە كىرگەن ادام الدىمەن شاڭىراققا، سودان كەيىن ۇيدىڭ وڭ جاعىندا بۇركىت وتىرعان جەرگە دە سالەم بىلدىرەتىن سالت بار. بۇركىتتىڭ الدىن كەسىپ وتسە، قۇستىڭ ساعى سىنادى دەپ ۇققان.

06

07

فوتو: ەربولات شادراحوۆ

       

پىكىر جازۋ