كەمەسىنەن ايىرىلعان كاپيتان

اقش كەمەسى INDIANAPOLIS. 

GettyImages-514945108

اقش-تىڭ Indianapolis اۋىر كرەيسەرى 1945 جىلدىڭ 26 شىلدەسىندە تىنىق مۇحيتتىڭ سولتۇستىگىندەگى تينيان ارالىنا كەپ ايالدادى. ول سودان 11 كۇننەن كەيىن حيروسيماعا تاستالاتىن اتوم بومباسىنىڭ بولشەكتەرىن اكەلگەن-تۇعىن. بىراق Indy-دىڭ كومانداسى ۇشىن سوعىستىڭ ەڭ اۋىرى الى الدا ەدى. تورت كۇننەن كەيىن، فيليپپينگە بارار جولدا كرەيسەرگە جاپون سۇڭگۋىرى شابۋىل جاسادى. كەمە 300 ادامىمەن بىرگە 12 مينۋتتىڭ ىشىندە سۋعا باتىپ كەتتى. قالعان 900 ادام بەس كۇن بويى سۋ اعىنىمەن قالىقتاعانىمەن ولاردىڭ تەك 317-سى عانا امان قالدى. بۇل اقش تەڭىز فلوتى تاريحىنداعى ەڭ قايعىلى اپات بولدى.

بۇل، سونداي-اق اقش تەڭىز فلوتىنىڭ ەڭ ماسقارا جەڭىلىسى دە بولاتىن. تەڭىزشىلەر جاراقات، گالليۋتسيناتسييا، ۇسۋ، تۇزدى سۋعا ۋلانۋ، اكۋلاعا جەم بولۋ تارىزدى تۇرلى ازاپتان اجال قۇشتى.

بىراق ول ولىمدەردىڭ كوبىسىنىڭ تۇپكى سەبەبى بىرەۋ-اق: اسكەري-تەڭىز فلوتىنىڭ Indianapolis-تىڭ كەلەسى ايلاققا كەشىگىپ كەلگەنىن بايقاماۋ جانە انىقتاماۋ. ەشقانداي ىزدەستىرۋ توبى جىبەرىلمەگەن; سۋداعى تەڭىزشىلەردى كەزدەيسوق بىر ۇشاق بايقاپ قالىپ، قۇتقارعان. ايىپتان قۇتىلۋ ۇشىن اسكەري-تەڭىز فلوتىنىڭ كەمە كاپيتانى چارلز ماكۆەي سوتتالدى. چارلز ماكۆەي – سوعىستا كەمەدەن ايىرىلعان دەگەن كىنامەن سوتتالعان بىردەن-بىر كاپيتان. كەيىنىرەك، ول وز-وزىنە قول سالادى. ونىڭ كىناسىن جوققا شىعارۋعا ارنالعان ناۋقاننان كەيىن ول 2000 جىلى اقتالدى. ايتەۋىر، Indy-دەن تىرى قالعاندار باستارىنان كەشكەننىڭ شىنايى تاريحىن اتاپ وتۋ مۇمكىندىگىنە يە بولدى. — GH – گلەن حودجەس

BETTMANN/GETTY IMAGES

    

1 پىكىر جازىلعان

پىكىر جازۋ