ماڭعازدانا باسىپ كەلەدى

01

قازاق كوكتەم ايلارىن «جۋاننىڭ جىڭىشكەرىپ، جىڭىشكەنىڭ ۇزىلەر شاعىنا» تەڭەگەن. جانە ول تەڭەۋ بەكەر ايتىلماسا كەرەك. سەبەبى التى ايعا سوزىلعان قىتىمىر قىستان كەز كەلگەن مالدىڭ امان شىعا الماسى بەلگىلى. مالدىڭ امان قالۋىنا مال يەسىنىڭ قىسقا جيعان جەپ-شوپ قورىنان بولەك، ار جەردىڭ تابيعي ەرەكشەلىكتەرىنىڭ دە اسەرى بار.

02

ماسەلەن، قۇرعاقشىلىق جىلدارى ەلىمىزدىڭ باتىس جانە وڭتۇستىك ايماقتارىندا كەزدەسەتىن تۇيە مالىنىڭ الدى شىعىنعا ۇشىراسا، ارتى كوك شوپكە ارەڭ ىلىگەدى. ال، بالقاش كولى اينالاسىنداعى تۇيەلەردىڭ جونى بولەك. قىسى-جازى جايىلىمدا بولاتىن ولار وركەشىن تىك ۇستاعان بويى، ونداعى ماي قورىن پايدالانباستان قىستان شيراق شىعاتىندىعىمەن ەرەكشەلەنەدى. وسىدان كەيىن «بالقاش كولى – قازاقتىڭ ماڭدايىنا بىتكەن باعى» دەمەي كورىڭىز. ال كول ماڭىندا ورنالاسقان ار اۋىلدا مۇنداي تۇيەلەر جۇزدەپ سانالادى.

03

مىنا تۇيەلەر كسرو كەزىندە بالىقشىلار اۋىلى اتانعان «تاسارالداعى» بىر عانا جەكە شارۋاشىلىققا تيەسىلى.

04

05

06

الماتى، قاراعاندى، جامبىل جانە شىعىس قازاقستان وبلىستارىمەن شەكتەسەتىن بالقاش – قازاقستاننىڭ وڭتۇستىك-شىعىسىندا ورنالاسقان ويپاتتاعى تۇيىق كول. 3 ميلليونعا جۋىق ادامنىڭ كۇندەلىكتى تۇرمىس-تىرشىلىگى ناق وسى كولگە تىكەلەي بايلانىستى. كولدەگى بالىق قورىن ايتپاعاندا، ونىڭ جاعالاۋى دا مال شارۋاشىلىعىنا وتە قولايلى سانالادى.

07

08

09

10

11

فوتو: ەربولات شادراحوۆ

    

1 پىكىر جازىلعان

پىكىر جازۋ