شىمبۇلاقتىڭ شىڭى

01 (1)

الاتاۋدىڭ جاۋھار تاجىنە بالانعان «شىمبۇلاق» تاۋ شاڭعى شيپاجايى الپىس جىلدا (ىرگەتاسى 1954 جىلى قالانعان) الماتىنىڭ عانا ەمەس، كۇللى ورتالىق ازييانىڭ برەندىنە اينالىپ ۇلگەردى.

02 (1)

سوڭعى 5-6 جىلدا شىمبۇلاققا بارعان ادامدار سانىنىڭ جىل سايىن 10 پايىزعا ارتىپ وتىرۋى حالىقتار اراسىندا ونىڭ تانىمالدىعى ارتا تۇسكەنىن كورسەتسە كەرەك. وعان دالەل رەتىندە ايتا كەتەيىك، وتكەن جىلى بۇل شيپاجايعا كەلگەن دەمالۋشىلار سانى رەكوردتىق كورسەتكىشكە جەتىپ، جارتى ميلليوننان اسىپ تۇسكەن. كەلگەن قوناقتاردىڭ 75 پايىزىن قازاقستاندىقتار قۇراسا، قالعان 25 پايىزى 64 ەلدەن كەلەتىن شەتەلدىكتەر ۇلەسىندە.

03 (1)

«شىمبۇلاق» تەڭىز دەڭگەيىنەن 2200-2500 مەتر بيىكتىكتە ورنالاسقان ەرەكشە كەشەن. ونىڭ اۋماعىنداعى ورتاشا تەمپەراتۋرا جازدى كۇندەرى +18°س، قىستا – 9 °س ارالىعىندا ساقتالاتىندىقتان دەمالۋشىلار ۇشىن وتە قولايلى، ارى جۇمساق بولىپ تابىلادى. وندا شاڭعىشىلارعا ارنالعان حالىقارالىق FIS ستاندارىنا سايكەستەندىرىلگەن جولداردىڭ ۇزىندىعى 30 شاقىرىمنان اسسا، سنوۋبوردشىلارعا ارنالعان half-pipe، كاسىپقويلارعا ارنالعان قاۋىپتى ورالىمدار مەن موگۋلعا بەيىمدەلگەن ارنايى جولدار دا بار.

04 (1)

شىمبۇلاقتىڭ باسقا تاۋ شاڭعى شيپاجايلارىنان باستى ەرەكشەلىگى ونداعى قار قاباتى جىلدىڭ 300 تاۋلىگىندە ايرىقشا – قۇرعاق، تازا ارى جەڭىل بولاتىندىقتان جىلدام سىرعاناۋعا مۇمكىندىك بەرەدى.

فوتو: دوسجان بالابەكۇلى

    

پىكىر جازۋ