كۋبا، قۇشاعىڭدى اش!

الدا قانداي وزگەرىستەر بولارى بارىن الاڭداتادى. 40 جىلدان كەيىن العاش رەت بيىلعى مامىردا امەريكالىق ساياحات كەمەسى گاۆانا بۇعازىنا جۇزىپ كەلدى.

الدا قانداي وزگەرىستەر بولارى بارىن الاڭداتادى. 40 جىلدان كەيىن العاش رەت بيىلعى مامىردا امەريكالىق ساياحات كەمەسى گاۆانا بۇعازىنا جۇزىپ كەلدى.

وزگەرىس جولىنداعى ەل

«قىرعي-قاباق سوعىستا» «اتا جاۋىنا» اينالعان اقش-پەن اراداعى قاتىناسى تۇزەلگەلى بەرى كۋباعا تۋريستەر اعىلۋدا.

اۆتورى: سينتييا گورني

فوتو: دەۆيد گۋتتەنفەلدەر

كۋبا ەلىن ەڭ العاش رەت دۇيسەنبىنىڭ تاڭىندا، كۇن ۇياسىنان شىعا سالىسىمەن تاماشالادىق. ارالدىڭ بىر شەتىنەن ەكىنشى شەتىنە دەيىن 1300 شاقىرىم. بىر سات تۇرلى تۇسكە ەنىپ، سان قۇبىلعان كوكجيەككە كۋا بولدىق.

سوسىن القىزىل اسپان استىنان توبەلەردىڭ سۇلبالارى بايقالا باستادى. ال سودان كەيىن ۇيلەردىڭ شاتىرلارىن كوردىك. سوپاقشا پىشىندى. بالكىم، كۇمبەز بولار.

كەمەنىڭ ۇستىڭگى پالۋباسى تۇسىرىلىم توبىنىڭ مۇشەلەرىنە لىق تولى بولدى. قالعانىمىز استىڭعى پالۋبانىڭ جاقتاۋىنا قاراما-قارسى يىن تىرەسىپ تۇردىق. الدەكىم كۋبا مەن امەريكانىڭ جالاۋشالارىن تاراتا باستادى. تازا اۋا جۇتىپ، ۇيدىڭ قىم-قۋىت تىرلىگىنەن بوي جازعىسى كەلەتىندەرگە دەمالىس ورنى قىزمەتىن اتقاراتىن بوگەت جانە جاياۋ جۇرگىنشىلەر جولى – مالەكوندى كورۋگە مۇمكىندىك تۋدى. كۋبالىقتار مالەكونعا ادەتتە مامىراجاي قوڭىر كەشتەردە كەلەدى. ال بۇل جولى باسقاشا بولدى. تاڭعى ساعات توعىزدا يىن تىرەسكەن ادامدار جالاۋشالارىن جەلبىرەتىپ، قول بۇلعاپ قارسى الدى. ال، قوش كەلدىك!

كەلەتىن كەزىمىزدە نە كۇتەرىمىزدى بىلمەدىك. جەكسەنبى كۇنى تۇستە ماياميدەن شىققاندا كۋباعا قىرىق جىلعا جۋىق ۋاقىت بويى قاتىناعان ەڭ بىرىنشى اقش ساياحات كەمەسى «كاستروعا» قارسى ارەكەت باستاۋى مۇمكىن دەگەن سىبىس تارادى. بىراق كەمەنىڭ سىرتىنا قىزىل بوياۋمەن ايشىقتاپ جازىلعان «Democracia» سوزى بەيبىت ماقساتتى بىلدىرەتىن. ال گاۆاناعا كەلگەنىمىزدە تۇرعىندار بىزدى سىرنايلاتىپ-كەرنەيلەتىپ قارسى الدى. جولاۋشى كەمەلەرگە ارنالعان ايلاققا توقتاعان سوڭ، اقشا ايىرباستاۋ پۋنكتىنىڭ قىزمەتكەرى ەكەۋمىز تەرەزەدەن بار داۋىسپەن ايعايلاپ، يسپانشا بىراز تىلدەستىك:

– مۇندا ىلعي وسىلاي شۋلاپ جاتا ما؟

– نە؟

– بارى داۋىلپازداتىپ، اندەتىپ، بيلەپ جۇر. ولار

كەمەلەردى ىلعي وسىلاي قارسى الا ما؟

– نە؟..

سوسىن ول ماعان قالامساپ بەردى. تۇبىرتەكتىڭ ارتقى بەتىنە «مۇنىڭ بارى امەريكالىقتاردىڭ قۇرمەتىنە مە؟» دەپ جازدىم. ول باسىن شۇلعىپ، كوڭىلسىز جىمييا سالدى دا، كوزىن بىر توڭكەردى. بيشىلەر انسامبلى اياقتارىنا بيىك وكشەلى تۋفلي، ۇستەرىنە كۋبا ەلىنىڭ تۋى بەينەلەنگەن شومىلۋ كيىمىن كيگەن، ال شاشىنا كۇمىس تۇستەس جۇلدىزدار جابىستىرعان ايەلدەردەن قۇرالعان ەدى. ەكەۋى كەمەدەن تۇسىپ كەلە جاتقان شولاق شالبار كيگەن ەر ادامنىڭ الدىندا بىر-بىرىن قۇشاقتاپ، مايىسىپ، كەرىلە باستادى. وسى ساتتە پۋنكت قىزمەتكەرىنىڭ تۇرى بۇزىلىپ كەتتى. مەنىڭشە، ول بۇنى جاقتىرماعان سيياقتى. سوسىن ول كوزىن تومەن سالىپ، پەسولاردى ساناۋعا كەتتى. مەملەكەتتىك تۋمەن ومىراۋلارىن جاپقان جەرگىلىكتى سىلقىمداردىڭ ۇيالى تەلەفونعا تۇسىرىلگەن سۋرەتتەرى كوز ىلەسپەس جىلدامدىقپەن تاراپ، جاعىمسىز جاعداي تۋدىرۋى مۇمكىن ەدى.

گاۆاناداعى مالەكون بوگەتىنەن اقش-تىڭ ەڭ جاقىن نۇكتەسى شامامەن 145 شاقىرىمدا ورنالاسقان. ايلاققا كەلىپ توقتاعان امەريكالىق كەمەنى تاماشالاعان كۋبالىقتار تاڭدانىسىن جاسىرمايدى.

گاۆاناداعى مالەكون بوگەتىنەن اقش-تىڭ ەڭ جاقىن نۇكتەسى شامامەن 145 شاقىرىمدا ورنالاسقان. ايلاققا كەلىپ توقتاعان امەريكالىق كەمەنى تاماشالاعان كۋبالىقتار تاڭدانىسىن جاسىرمايدى.

حاۆەر مەن ليدييا: «دوستىم! كەل، بىزدىڭ ورتامىزعا وتىر»، – دەپ وتىندى. ولار ايلاق ماڭىنداعى توزىعى جەتكەن گاۆانالىق ۇيدىڭ تۇرعىندارى بولاتىن. ليدييا جاڭالىقتاردان وزدەرى تاماشالاۋعا كەلگەن تاريحي كەمە جايلى كوپ ەستىپتى. ولار قارماق باۋ مەن جەمگە دەپ بىراز اسشايان ەتىن اكەلىپتى. مەنى قاستارىنا شاقىرعاندا ەكەۋى ادامعا لىق تولى بوگەتتىڭ ۇستىندە بالىق اۋلاپ، ايلاققا توقتاعان كەمەدەن كوز الماي قاراپ وتىردى.

پلانشەتتەرى مەن سمارتفوندارىن قۇشاقتاعان كۋبالىقتار Adonia كەمەسىنىڭ قاسىندا سۋرەتكە تۇسۋگە جانتالاسىپ، بارىمىزدى قاۋمالاپ الدى. بۇكىل گاۆانا جاعالاۋىندا بىزدىڭ كەمەمىز ەڭ ۇلكەن نىسان رەتىندە كوزگە تۇستى. سۋدىڭ ۇستىنەن كەمەنىڭ توعىز بولىكتەن تۇراتىنىن بايقادىق. ارقايسىنىڭ يلليۋميناتورى جانە تاباق شىنىلارى بار (قاتەلەسپەسەم، فوتوگراف دەۆيد گۋتتەنفەلدەر ەكەۋىمىز اپتا بويى قاپتالىنداعى تورتىنشى بولىكتە ورنالاسقان بولمەلەردە تۇردىق). وسىناۋ اپپاق الىپ كەمە كۋبالىقتارعا «امەريكالىقتار كەلە جاتىر! جان-جاقتى دايىندالىڭدار!» دەگەن جازۋى بار جارناما تاقتاسىنداي بولىپ كورىنگەن شىعار دەپ ويلادىم.

ماياميدەن كۋباعا جاسالعان تانىستىرىلىم-ساپاردىڭ ەرەكشەلىگىن جانە تاريحي ماڭىزىن قازىرگى كورىنىسى مەن الداعى بولاشاعىنا قاراپ باعامداۋعا بولادى. ساياحات كەمەلەرى كۋباعا تاڭسىق ەمەس. وزگە ەلدەردىڭ تۋلارىن جەلبىرەتىپ جۇرگەن تەڭىزدەگى «الىپ قوناقۇيلەر» ونداعان جىلدار بويى سان مارتە ساپارلادى. جالپى، كۋبا ەلىندە تۋريزم اۋەلدەن جاقسى دامىعان.

اقش ەمبارگوسى بويىنشا، ازاماتتارىنا الى كۇنگە دەيىن كۋباعا «تۋريستىك دەمالىسقا» بارۋعا تىيىم سالىنسا دا، بەس جىلدان بەرى امەريكالىقتار كوپتەپ كەلە باستاعان. تىپتى، 2014 جىلدىڭ جەلتوقسانىندا ديپلوماتييالىق قارىم-قاتىناستى جاڭارتۋ تۋرالى جاسالعان حابارلاندىرۋعا دەيىن وباما اكىمشىلىگى كۋبالىقتار ۇشىن ماڭىزى زور، كۇننەن-كۇنگە دامىپ كەلە جاتقان ەكى ەل اراسىنداعى تانىمدىق ساپارلاردى قۇپتاعان بولاتىن. كۋبادا روم ىشىپ، كۇنى بويى جاعاجايدا جاتقانشا، ىشىمدىك جاساۋشىلاردىڭ بالالارىنا سكريپكا تارتۋدى ۇيرەتەتىن مۋزىكالىق مەكتەپكە بارۋعا بولادى. ەسكى گاۆانانىڭ قايتا جوندەلگەن ادەمى كوشەلەرى مەن جەكەمەنشىك مەيرامحانالاردا گيدتىڭ سوڭىنان توپتالىپ ىلەسىپ جۇرگەن امەريكالىقتاردى كورۋ ۇيرەنشىكتى جاعدايعا اينالدى.

ال بيلىك بيىلعى جىلدىڭ ناۋرىز ايىندا «امەريكالىقتار ەمبارگو ەرەجەلەرىن ساقتاۋعا ۋادە بەرگەن جاعدايدا وز بەتتەرىنشە ساياحاتتاي الادى» دەپ مالىمدەدى. بىر اپتاعا جەتەر-جەتپەس ۋاقىتتا اقش ۇكىمەتىنىڭ قولداۋىمەن اشىلعان «Starwood Hotels and Resorts» جەلىسى كۋبالىق ۇش بىردەي قوناقۇيدى باسقاراتىنىن مالىمدەدى. كومپانييا وكىلى ماعان: «بۇل – گاۆاناداعى سان-سالتانات نارىعىنىڭ باستاماسى»، – دەدى. كۋباعا تۇراقتى كەستەمەن ۇشاتىن العاشقى اۋە كەمەسى تامىزدىڭ سوڭىندا ساپارعا شىقتى. تىپتى، ونىڭ الدىندا فلوريدادان ۇشاتىن چارتەرلىك رەيستەردىڭ جيى بولعانى سونشا، مايامي حالىقارالىق اۋەجايىنداعى ۇشۋ كەستەسىنەن «سەنفۋەگوس، كۋبا» دەگەن جازۋدى كورۋگە بولاتىن ەدى.

گاۆانانىڭ قيراعان عيماراتتارى تۋريستەردى وزىنە تارتىپ تۇرادى. گاريداد گونزالەستىڭ 82 جاستاعى اناسى، وزگە دە وتباسى مۇشەلەرى وسى ەكى قاباتتى ۇيدە تۇرادى. عيمارات قيراپ قالعان ارى كۇردەلى جوندەۋدى قاجەت ەتەدى. قالا تۇرعىندارىنا مۇنداي جاعداي تاڭسىق ەمەس.

گاۆانانىڭ قيراعان عيماراتتارى تۋريستەردى وزىنە تارتىپ تۇرادى. گاريداد گونزالەستىڭ 82 جاستاعى اناسى، وزگە دە وتباسى مۇشەلەرى وسى ەكى قاباتتى ۇيدە تۇرادى. عيمارات قيراپ قالعان ارى كۇردەلى جوندەۋدى قاجەت ەتەدى. قالا تۇرعىندارىنا مۇنداي جاعداي تاڭسىق ەمەس.

سەنفۋەگوس كۋبانىڭ ىرى قالالارى قاتارىنا دا جاتپايدى. بۇگىندە مۇندا حالىقارالىق اۋەجاي مەن ساياحات كەمەلەرىنە ارنالعان ايلاق ورنالاسقان جانە ول جەر شارىن اينالا جۇزگەن Adonia كەمەسى توقتايتىن ۇش ايالدامانىڭ ەكىنشىسى بولدى. دەۆيد ەكەۋىمىز اپتا بويى كەمەنىڭ ىشى-سىرتىندا جولاۋشىلاردىڭ سوڭىنان ىلەسىپ جۇردىك. ولار Adonia-نى قالاي زەرتتەسە، بىز دە كۋبالىقتاردىڭ تىنىس-تىرشىلىگىنە قىزىعۋشىلىق تانىتتىق. سەنفۋەگوس سيياقتى شاعىن قالالاردى تۇگەل ارالاۋعا بىر مەزەتتە جەتى جۇز تۋريست اتتاندى. «بارى وزگەرەدى. تەك بىرتە-بىرتە، – دەيدى جەرگىلىكتى تۇرعىن حاۆەر. – وسىدان كور دە تۇر. بۇل وزگەرىس بۇكىل ەلىمىزگە وڭ اسەرىن تيگىزەدى. بارى ويداعىداي بولادى».

ونىمدەر جارمەڭكەسى، سەنفۋەگوس: امەريكالىق تۋريستەر سىرتتا نىق باسىپ وتىپ بارا جاتقاندا كوكونىس ساتۋشى يانەت ولارعا تاڭدانا قاراپ تۇردى. كەيبىرى توقتاي قالىپ، جايما سورەگە ۇزاق قاراپ تۇرادى نەمەسە سۋرەتكە تۇسىرەدى. ولار كەمەدە تۇنەيدى. مەيرامحانالاردا تاماقتانادى. يانەتتەن ەشتەڭە ساتىپ المايدى. گاۆانا. ىرى جەر يەلەنۋشى سەنورا مارتا ساياحات كەمەسىندەگى جولاۋشىلاردان ەشقانداي پايدا كورمەيتىنىن ايتادى: «امەريكالىقتار كەلە بەرسىن! تەك ەشقايسىسىنا سۋ جۇيەسىن جەكەشەلەندىرۋگە جول بەرمەڭدەر!» سانتياگو-دە-كۋبا. كەزىندە ينجەنەر-قۇرىلىسشى بولعان حورحە بۇگىندە رەسەيلىك ەسكى «لادا» كولىگىمەن تۋريستەردى تاسيدى. سەبەبى، مەملەكەتتىك قىزمەتىنە قاراعاندا وسى جۇمىستان كوبىرەك اقشا تابادى. ادامداردان «تۋريستەر نوپىرى اقىر سوڭىندا ەسىرتكى ساۋداسىن قىزدىرىپ، كۇشتەۋ مەن جەزوكشەلىكتىڭ جايىلۋىنا اكەپ سوعادى» دەگەن سوزدى كوپ ەستيتىنىن ايتادى. «مەن ولاي ويلامايمىن. ۇكىمەتىمىزگە، قۇندىلىقتارىمىزعا جانە امەريكالىقتاردىڭ ادامگەرشىلىك قاسيەتتەرىن ساقتايتىنىنا كامىل سەنەمىن»، – دەيدى ول.

كۋبادا resolver سوزىنىڭ ماڭىزى ەرەكشە. جەرگىلىكتى حالىقتىڭ تۇسىنىگى بويىنشا، ول «بۇگىنگى كۋبانىڭ كۇرمەۋى قيىن ماسەلەلەرىن ەپتىلىكپەن شەشىپ، تاپقىرلىق تانىتادى» دەگەندى بىلدىرەدى. قاراپايىم ازاماتتاردىڭ اراسىندا بۇل ۇستانىم ۇلتتىق ماقتانىشتىڭ بەلگىسى ەسەپتەلەدى. پوستكەڭەستىك كەڭىستىكتىڭ جويىلعانىنا، باسقارۋ جۇيەسىنىڭ السىرەگەنىنە، مينيسترلىكتەردىڭ داعدارىپ قالعانىنا جانە اقش-تىڭ ۇزاق مەرزىمدى ەمبارگوسىنا قاراماستان كوپشىلىك قيىندىققا قارسى تۇرىپ، قايسارلىق تانىتتى.

Adonia كەمەسى گاۆاناعا كەلىپ توقتاعاندا بۇكىل ايلاقتا ينە شانشار ورىن بولمادى. كۋبالىقتار امەريكالىقتاردى روك جۇلدىزدارىن قارسى العانداي كۇتىپ الدى. كەمەدەن تۇسكەن جولاۋشىلارمەن قول الىسىپ جۇرگەن بىر ەر ادام «اقش-تان قاتىنايتىن كەمەنىڭ بولعانى بىر عانيبەت! جاسىم 50-دە. مۇندايدى ومىرىمدە كورمەپپىن»، – دەدى.

Adonia كەمەسى گاۆاناعا كەلىپ توقتاعاندا بۇكىل ايلاقتا ينە شانشار ورىن بولمادى. كۋبالىقتار امەريكالىقتاردى روك جۇلدىزدارىن قارسى العانداي كۇتىپ الدى. كەمەدەن تۇسكەن جولاۋشىلارمەن قول الىسىپ جۇرگەن بىر ەر ادام «اقش-تان قاتىنايتىن كەمەنىڭ بولعانى بىر عانيبەت! جاسىم 50-دە. مۇندايدى ومىرىمدە كورمەپپىن»، – دەدى.

سونىمەن قاتار كۋبالىقتار تۋريستەردى كوزايىم قىلۋ ۇشىن ەمەس، ەسكى ماشينانى وتالدىرۋ ۇشىن بولشەكتەيدى. تۋريستەر لەگى جاقىنداعان ساتتە قۇبىلمالى كەزەڭ باستالادى. كۋبانىڭ تۋريزم جۇيەسىندەگى كەرەعار جاعدايلار وسىنداي كەزدەرى ۋشىعىپ كەتەدى. امەريكا ەمبارگوسى نەمەسە كۋبا كوممۋنيستىك پارتيياسى كىنالى دەگەن ويدى بىر ساتكە ۇمىتىڭىز. ماكدونالدس اتىمەن جوق. ول راس. سوتسياليزم مەن ۇلگىلى تارتىپتى دارىپتەيتىن بيلبوردتاردان باسقا ەشقانداي تاقتا جوق. تۋريستەر كىتاپشاسىندا «ۋاقىتقا باعىنباعان» جانە «ۇزاق ۋاقىت تىيىم سالىنعان» دەگەن سوزدەر جيى كەزدەسەدى. ساۋلەتشى ميگەل كويۋلا ماعان: «كۋباعا كەلۋدى جوسپارلاپ جۇرگەن امەريكالىقتاردىڭ 99 پايىزى دا وسىنى ايتادى. ولار گاۆانانىڭ قالاي وزگەرەتىنىن تاپ قازىر كورگىسى كەلەدى»، – دەيدى.

كويۋلا بۇنى ازىلدەپ «يۋر داۋىرىنىڭ ساياباعى» دەپ اتايدى. ول تۋريزمگە قارسى ەمەس. امەريكالىق تۋريستەردى كاريب تەڭىزىندەگى ەڭ ۇلكەن ارالدىڭ تۋريندۋستريياسىن دامىتۋشى كۇش دەپ ەسەپتەيدى. تۋريستەردىڭ شەكتەن تىس ماحابباتى ول ۇشىن ۇيرەنشىكتى جاعداي. تاعى بىر ايتا كەتەرلىگى، Adonia كۋباعا تۇمسىق تىرەگەن ساتتە بىر توپ اكادەميك پەن مەملەكەتتىك قىزمەتكەرلەر «Turismo Sostenible y Responsable (تۇراقتى جانە جاۋاپتى تۋريزم)» اتتى جيىندا پىكىر الىسىپ جاتقان بولاتىن. تۇساۋكەسەردىڭ ىشىندە تۋريستەر لەگىنىڭ، دالىرەك ايتساق، تورت بىردەي كەمەدەن اعىلعان تۋريستەردىڭ يسپانييا قالاسىن باسىپ الىپ، جەرگىلىكتى تۇرعىندارعا قولايسىزدىق تۋدىرعانى تۋرالى «قوش بول، بارسەلونا!» دەرەكتى فيلمىنەن ۇزىندى كورسەتىلدى. اشۋعا بۋلىققان تۇرعىنداردىڭ بىرى: «بۇل ولارعا كوڭىل كوتەرەتىن تاقىرىپتىق باق ەمەس»، – دەپ شاعىمدانعان كورىنەدى.

5465454

اقش-تان 145 شاقىرىم جەردە ورنالاسقان ىرى جاعاجايدى بۇلاي سالىستىرۋ قيسىنعا كەلمەيدى. بۇگىندە كاريب تەڭىزىندە قاتىناپ جۇرگەن كەمەلەردىڭ بىرقاتارى Adonia سيياقتى جولاۋشىنى التى ەسە كوپ تاسىمالداي الادى. كەمەنىڭ يەسى – «Carnival Corporation» كومپانيياسى. ول كاريب تەڭىزىنە قىزىعاتىن كەز كەلگەن امەريكالىق تۋريستىك كومپانييا سيياقتى كۋباعا ساياحات ۇيىمداستىرادى (ونىڭ ىشىندە National Geographic تۋريستىك ەكسپەديتسييالارى دا بار). كەمە بورتىندا «Carnival» قىزمەتكەرىنەن كۋباداعى تۋريزمنىڭ دامۋ مۇمكىندىگى قانشالىقتى جوعارى ەكەنىن سۇرادىم. ول بىلتىر «Carnival» كەمەلەرىنىڭ اۋماعى 17،4 شارشى شاقىرىمدى قۇرايتىن گراند-تەرك ارالىنا ميلليونعا جۋىق تۋريست جەتكىزگەنىن ايتتى. «ال كۋبا ودان جۇزدەگەن ەسە ۇلكەن. جاۋابىن وسىدان-اق باعامداي بەرىڭىز»، – دەدى.

وسىعان دەيىن Wi-Fi-دىڭ شەكتەۋلىگى كۋبالىقتاردىڭ نارازىلىعىن تۋدىرعان. ال ار قالادا بىر ساعاتتىق كارتوچكامەن عالامتورعا كىرۋگە مۇمكىندىك بەرەتىن گاۆانا پلازا سيياقتى ينتەرنەت-كافەلەر بار. ارقايسىسى 49 پەسو تۇراتىن كارتوچكا جالاقىعا كۇنەلتكەندەر ۇشىن الى دە قىمبات. دەسە دە، كەلۋشىلەر قاتارى ازايار ەمەس.

وسىعان دەيىن Wi-Fi-دىڭ شەكتەۋلىگى كۋبالىقتاردىڭ نارازىلىعىن تۋدىرعان. ال ار قالادا بىر ساعاتتىق كارتوچكامەن عالامتورعا كىرۋگە مۇمكىندىك بەرەتىن گاۆانا پلازا سيياقتى ينتەرنەت-كافەلەر بار. ارقايسىسى 49 پەسو تۇراتىن كارتوچكا جالاقىعا كۇنەلتكەندەر ۇشىن الى دە قىمبات. دەسە دە، كەلۋشىلەر قاتارى ازايار ەمەس.

قارجىگەرلەردىڭ پايىمداۋىنشا، ۋاقىت وتە كەلە، مۇندا جىلىنا، كەم دەگەندە ۇش ميلليون امەريكالىق تۋريست كەلەدى. كۋبانىڭ 11 ملن. حالقى بار. تۇرعىندار بالالارىنا قۇرعاق سۇتتىڭ جەتكىلىكتى بولۋىن، دارەتحاناداعى تازالىق جانە بالكونداردىڭ وپىرىلىپ كەتپەۋىن قامتاماسىز ەتۋدى ويلاستىرۋدا. كۋبالىقتار تۇرمىس جاعدايىن كوتەرۋ ۇشىن امەريكالىقتاردى قانداي جولمەن تارتپاق؟

«مەن بۇل جونىندە كوپ ويلاندىم، – دەيدى تۋريزمگە قاتىستى جيىندى ۇيىمداستىرعان گاۆانا ۋنيۆەرسيتەتىنىڭ پروفەسسورى رافاەل بەتانكۋر. – قاۋىپ قاشاندا بار. الايدا مەن وپتيميستپىن. سالت-داستۇرىمىزدىڭ، مادەنيەتىمىزدىڭ، وزىندىك تاريحىمىزدىڭ بارىنا سەنەمىن».

سونىمەن قاتار ول كۋبا مەملەكەتىنىڭ تۋى بەينەلەنگەن شومىلۋ كيىمى جونىندە ويىن بىلدىردى. جان-جاققا تاراعان سۋرەتتەر نارازىلىق تۋدىرماي قويمادى. بۇل جاعداي كۋبا ەلىنىڭ ار-نامىسىن جەرگە تاپتاۋ جانە قوعامدىق ورىندا ادەپسىزدىك تانىتۋ دەپ باعالاندى. پۋبليتسيستەر كەز كەلگەن مەملەكەتتىڭ تۋىنا قۇرمەتپەن قاراۋ كەرەكتىگىن جازدى. Vergüenza، ياعني ار-ۇيات حاقىندا سوز قوزعاعان ۇلتشىل جازۋشى – نيكولاس گيلەن 1930-جىلدارى، كۋبا رەۆوليۋتسيياسىنان بىرتالاي جىل بۇرىن اقشا تابۋ ۇشىن امەريكالىقتار مىنگەن كەمەلەرگە بارىپ، ماراكاس سىلدىرماعىن قاعىپ اقشا تاباتىن جاعىمپازداردى سىنايتىن پوەما جازعان ەكەن.

بەتانكۋردان الگى ەسسە تۋرالى سۇراعانىمدا كۇرسىنىپ، تانىستارىنىڭ ەشقايسىسى شومىلۋ كيىمىن كيگەن بيشىلەرگە اشۋلانباعانىن ايتتى. «ولار بۇنى كۋبا تۋىن جەرگە تاپتاۋ ۇشىن ىستەگەن جوق. بۇكىل ەلدى شۋلاتۋ قوناقجاي، قىزۋقان، بيگە قۇمار كۋبالىقتاردىڭ بىرىنىڭ يدەياسى شىعار. مۇقييات بولايىق. بىرەۋدىڭ ار-نامىسىنا تييۋگە جول بەرمەيىك»، – دەدى ول.


مارك تيسسەن، NGM قىزمەتكەرى

مارك تيسسەن، NGM قىزمەتكەرى

2012 جىلى سينتييا گورنيدىڭ «بۇگىنگى كۋبا» ماقالاسى جارىق كوردى. بۇل ونىڭ كۋباعا جاساعان تورتىنشى ساپارى بولاتىن. الايدا ول دەۆيد گۋتتەنفەلدەردىڭ Adonia كەمەسىندەگى جاتىن بولمەدە تەرەزە جوق ەكەنىن ايتتى.

    

پىكىر جازۋ