تاقۋا تاقسىرلار

23288_CONSAGRADAS_CAR_2014

مەكسيكانىڭ پۋەبلا قالاسىنداعى كاتوليك شىركەۋىندە جالاڭاياق كارمەليتتەر وردەنىنىڭ جاڭا مۇشەسى تاقۋا رەينا مارييا ۆولەيبول ويناپ جاتىر. ۇزاقتى كۇن جۇمىس ىستەپ، مىناجات ەتەتىن دىندارلارعا سپورت قوسىمشا كۇش-قۋات بەرەدى.

تىرشىلىكتەن باز كەشكەن بۇل موناستىرلارداعى تاقۋا ايەلدەردىڭ ومىرى داستۇر، دۇعا وقۋ جانە روك-ن-روللمەن بىتە قايناسىپ كەتكەن.

ماتىن، فوتو: مارسەلا تابوادا

مەكسيكا موناستىرلارىنداعى ريم-كاتوليك تاقۋالارىن زەرتتەۋگە ۇش جىلدىق گرانت ۇتىپ العانىمدا بۇل مۇمكىندىكتى بارىنشا پايدالانىپ قا­لۋعا تىرىستىم.

قۇدايعا قۇلشىلىق ەتۋ شاراسىنىڭ الدىندا موناح ايەلدەر التار جامىلعىسىنىڭ ۇستىندە دىن قىزمەت¬كەرىنىڭ بەلبەۋىنە ليتۋرگييالىق سوز جازادى (جوعارىدا). ولاردىڭ تۇسكەن پورترەتى جوق ەكەنىن ايتقان سوڭ، باسىنا تاج كيىپ، قولىنا اسا تاياق ۇستاعان ەمما تاقۋانى (وڭ جاقتا) سۋرەتكە تۇسىردىم.

قۇدايعا قۇلشىلىق ەتۋ شاراسىنىڭ الدىندا موناح ايەلدەر التار جامىلعىسىنىڭ ۇستىندە دىن قىزمەت¬كەرىنىڭ بەلبەۋىنە ليتۋرگييالىق سوز جازادى (جوعارىدا). ولاردىڭ تۇسكەن پورترەتى جوق ەكەنىن ايتقان سوڭ، باسىنا تاج كيىپ، قولىنا اسا تاياق ۇستاعان ەمما تاقۋانى (وڭ جاقتا) سۋرەتكە تۇسىردىم.

مەن تۋىپ-وسكەن مەكسيكانىڭ پۋ­ەبلا قالاسىنداعى قايسىبىر كاتوليك شىركەۋلەرىنىڭ جاسى 400 جىلدان اسىپ جىعىلادى. الايدا ونداعىلاردىڭ كوبى موناستىردا – سىرت دۇنيەمەن بايلا­نىسقا تىيىم سالىنعان وقشاۋ كۇيدە ومىر سۇردى. بالا كۇنىمدە ولاردىڭ بارى ماعان اڭىز سىندى كورىنەتىن.

ولار وز الەمىنە وزگەنى وڭايلىقپەن كىرگىزبەيدى. موناستىر ەسىگىن قاققان سايىن «اۋلاق جۇر ارى» دەپ، ەسىكتى تارس ەتكىزىپ جاۋىپ الاتىن. بىراق مەن اقىرى ول ەسىكتى اشتىم.

3778_CONSAGRADAS_CONC_2013

«سىز نە ۇشىن انت بەردىڭىز؟» دەگەن سۇراعىما تاقۋا ايەلدەردىڭ بىرازى «جوعارىدان حابار الدىق» دەسە، ەندى بىرى تۇرمىس قۇرعىلارى كەلمەيتىندىگىن ايتتى. ال بۇرىن روك توبىندا ونەر كور­سەتكەن ەكى اپكەلى-سىڭلىلى تاقۋالىققا «رۋ­حاني مان ىزدەگەسىن بەت بۇردىق» دەيدى.

مەن بۇل جوبانى قولعا العاندا موناح ايەلدەردى قاتال، بىربەتكەي دەپ قابىلدايتىنمىن. الايدا ولار مەن ويلاعانداي ەمەس، كوڭىل كوتەرىپ، ەمەن-جارقىن جۇرگەندى ۇناتادى ەكەن. موناح ايەلدەر جيىنىندا مارييا دەل كارمەن انا (سول جاقتا) مەن ۆيردجينييا تاقۋا تاتتىلەر ۇستەلىنىڭ قاسىندا تۇر.

مەن بۇل جوبانى قولعا العاندا موناح ايەلدەردى قاتال، بىربەتكەي دەپ قابىلدايتىنمىن. الايدا ولار مەن ويلاعانداي ەمەس، كوڭىل كوتەرىپ، ەمەن-جارقىن جۇرگەندى ۇناتادى ەكەن. موناح ايەلدەر جيىنىندا مارييا دەل كارمەن انا (سول جاقتا) مەن ۆيردجينييا تاقۋا تاتتىلەر ۇستەلىنىڭ قاسىندا تۇر.

مەن كۇندە ولارمەن بىرگە تاڭعى 4.30-دا تۇراتىنمىن. ولار ايتاتىن دىني ان ماعان ۇيقىاشار بولدى. سو­دان كەيىن كۇنۇزاق ولاردىڭ مىناجات پەن حور، تازالىق جۇمىستارى مەن اس ازىرلەۋ سيياقتى كۇندەلىكتى شارۋالارىن باقىلايتىنمىن.

34178_CONSAGRADAS_CON_2015

ۋاقىت وتە كەلە ولاردىڭ دا كوڭىل كوتەرەتىنىنە كوز جەتكىزدىم. روك-ن-رولل تىڭدايتىندارى دا بار. ارالارىنان بىر فۋتبول جانكۇيەرىن دە كەزدەستىردىم. ول تەلەديدار ارقىلى سۇيىكتى كوماندالارىنىڭ ويىنىن تاماشالاپ، ويىنشىلار ۇشىن دۇعا جاساپ، جەڭگەن كەزدە اسىر ساپ قۋانادى ەكەن.

21538_CONSAGRADAS_CON_2014-2

شىركەۋگە وز ەركىمەن قامالعان تاقۋالار كۇن ۇزاققا بىر تىنبايدى. ولاردىڭ مىندەتىنە (ساعات تىلىمەن سولدان وڭعا قاراي) التاردى گۇلمەن بەزەندىرۋ، كىر جۋۋ، ونى كراحمالداپ ۇتىكتەۋ جانە شارا بىتكەننەن كەيىن بانكەت ۇستەلىن جيناستىرۋ كىرەدى.

مەنىڭ ماقساتىم، تاقۋا عۇمىر كە­شەتىن جانداردىڭ كۇندەلىكتى كوزدەن تاسا ومىرىنەن سىر شەرتۋ ەدى. ولاردىڭ قانشالىقتى سەزىمتال ارى نازىك ەكەنىن وزگەلەر كورسە ەكەن دەيمىن. كىم بىلەدى، بىر كۇندەرى ولاردىڭ عاسىرلار بويى ساقتالىپ كەلە جاتقان ومىر سۇرۋ سالتى دا كوزدەن عايىپ بولار…

فرانتسيسك موناستى¬رىنا بارۋ ۇشىن اديياراتتان شىعۋعا مۇرسات العان موناح ايەلدەر مەكسيكانىڭ حولۋلا قالاسىنداعى كۇن تۇستەس قابىرعا¬نى بويلاي ساپ تۇزەپ بارا جاتىر. تاقۋا ايەلدەرگە قاسىندا مىندەتتى تۇردە سەرىگى بولعان جاعدايدا دارىگەر قابىلداۋىنا دا بارۋعا رۇقسات ەتىلەدى.

فرانتسيسك موناستى¬رىنا بارۋ ۇشىن اديياراتتان شىعۋعا مۇرسات العان موناح ايەلدەر مەكسيكانىڭ حولۋلا قالاسىنداعى كۇن تۇستەس قابىرعا¬نى بويلاي ساپ تۇزەپ بارا جاتىر. تاقۋا ايەلدەرگە قاسىندا مىندەتتى تۇردە سەرىگى بولعان جاعدايدا دارىگەر قابىلداۋىنا دا بارۋعا رۇقسات ەتىلەدى.

    

پىكىر جازۋ