كۇركەتاۋىق قوڭىراۋى

بەز-يمەني-1

 

كۇركەتاۋىق شارۋاشىلىعى كوپتەگەن وتباسىن «ۇلى داعدارىستان» امان الىپ شىقتى جانە بۇل جۇمىستى كوبىنە ايەلدەر اتقاردى. 1940 جىلى تۇسىرىلگەن مىنا سۋرەتتە ايداحو شتاتىنىڭ ايەل تۇرعىنى جىپىرلاعان كۇركەتاۋىقتارمەن سىڭىسىپ كەتكەندەي. ول دا سونداي كاسىپكەرلەردىڭ بىرى بولعان كورىنەدى.

كۇركەتاۋىقتار كورىنگەن جەرگە جۇمىرتقا باسادى. 1933 جىلعى گازەتتە ايداحو تۇرعىنى ەممەت: «قوناق بولمەدە، ورىندىقتا، ىدىس-اياق جۋاتىن شۇڭعىلشادا، بارلىق جەردە كۇركەتاۋىق بالاپان­دارى جۇرەدى»، – دەپ جازادى. الايدا قۇستار تەك ۇيدە وسىرىلگەن جوق. ساي-سالادا دا ەمىن-ەركىن جايىلدى.

«XX عاسىردىڭ ورتاسىنا قاراي وتباسىلىق كاسىپكەرلىكتىڭ ورنىن كوممەرتسييالىق شارۋاشىلىق باسقانعا دەيىن فەرما بالالارى قۇستاردى قوي باققانداي باعاتىن»، – دەيدى ايداحو تاريحشىسى مەدە­لين باككەندورف. ول كەزىندە اتاسى كۇركەتاۋىقتاردى شاتقالدىڭ جۋسانعا تولى جوتالارىنا جايۋعا جىبەرگەندە كەلگەن-كەتكەنى ەستىلۋ ۇشىن قولدانعان قوڭىراۋدى الى كۇنگە دەيىن ساقتاپ جۇر. – يۆ كونانت

    

پىكىر جازۋ