مارسقا ۋاقىت كاپسۋلاسى جەتە مە؟

MD1116_3Q_160229_0347

23 جاستاعى اۋە-عارىش ينجەنەريياسى ماماندىعى­نىڭ ستۋدەنتى ەميلي بريەر قىزىل عالامشارعا جەردەگى حات-حابار جۇكتەلگەن شاعىن ۋاقىت كاپسۋلا­سىن جىبەرۋدى كوزدەيدى. وسى جوبا باسشىسى رەتىندە ول قۇراما شتاتتار بويىنشا بارلىق كولەدج ستۋ­دەنتتەرىن وسى ماقساتتى بىرگە ورىنداۋعا شاقىردى.

— عارىش كەمەسى بوگدە عالامشارلىقتارمەن تىلدە­سۋگە ارنالعان اقپارات تاسىماق. سوندا سىز كىممەن بايلانىس قۇرماقسىز؟

— ۋاقىت كاپسۋلاسى ادامزاتتى مارس عالامشارىنا اياق باسىپ، ونى يگەرۋگە شاقىرادى. كۇندەردىڭ كۇنى ول جاققا كوشىپ بارعانىمىزدا ۋاقىت كاپسۋلاسى National Geographic مۇراجايىندا نەمەسە سميتسون ينستيتۋتىندا قانشالىقتى العا ىلگەرىلەگەنىمىزدىڭ بەلگىسى رەتىندە تۇراتىن بولادى.

— ۋاقىت كاپسۋلاسىن قالاي قۇراستىرماقسىز؟

— بۇل جۇمىستى قولجەتىمدى باعادا – دۇكەندەگى ەتىك قورا­بىنىڭ كولەمىندەي CubeSat عارىش كەمەسىمەن ورىنداۋعا بولادى. جوباعا قاتىسۋ ۇشىن ستۋدەنت بولۋىڭىز كەرەك. بىز ارتۇرلى ۋنيۆەرسيتەتتەردە الۋان تۇرلى قوسالقى جۇيە قۇرامىز. ماسەلەن، ماسساچۋسەتس تەحنولوگييا ينستيتۋتىنىڭ زەرتحاناسى يوندىق ەلەكترلى قوزعالىستى سىناقتان وتكىزۋ­دە. ال ستەنفورد زەرتحاناسى عارىش ايماعىن زەرتتەۋدە. بىز وسىناۋ ۇلكەن عىلىمي مىندەتتى ورىنداۋعا اتسالىساتىن قوسىمشا كۇشپىز.

— ۋاقىت كاپسۋلاسى نەدەن قۇرالماق؟

— كاپسۋلا دۇنيەجۇزىندەگى ادامدار جۇكتەگەن تسيفرلىق سۋرەتتەردەن، بەينەجازبالاردان جانە دىبىس جازبا­لارىنان تۇرادى. ونداعى اقپارات جەر عالامشارىنىڭ تولىق ارى انىق بەينەسىن قامتاماسىز ەتكەنىن قالايمىز. بىز مارس عالامشارىنا بىر ەلدىڭ نەمەسە جەكەمەنشىك كومپانييانىڭ مۇددەسىمەن ەمەس، ادامگەرشىلىك تۇرعى­سىنان قارايمىز.

فوتو: رەبەككا حەيل، NGM قىزمەتكەرلەرى

اتالمىش ماقالا كولەمى جانە مازمۇنى بويىنشا وڭدەلىپ، باسىلدى

    

پىكىر جازۋ