بىر توپ سانتا

i53131_160707_1018

اۆتورى: پاتريسييا ەدموندس

«Santa Claus Is Coming to Town» انىن الىپ، نى بىرنەشە جۇزگە كوبەيتسەڭ، ميسسۋري شتاتىنداعى برەنسون قالاسىندا وسى شىلدە ايىندا ۇيىمداستىرىلعان الەمدەگى ەڭ ۇلكەن سانتا كونۆەنتسيياسىنىڭ قانداي شەشىم شىعارعانىن تۇسىنەسىڭ. بەس كۇنگە سوزىلعان ساۋدا شوۋىندا اياز اتانىڭ «ۇرپاقتارى» تۇرلى-تۇستى بوياۋ مەن ماركەتينگ، ساقالدى باپتاۋ نەمەسە سانتانىڭ ەتيكا ماسەلەلەرى تۋراسىنداعى تۇرلى سەمينارلارعا قاتىسىپ، 550-دەن استام سانتا ساۋالناماعا جاۋاپ بەردى. ونىڭ ناتيجەسى تومەندەگىدەي.

ورتاشا جاسى – 63،5; ەڭ كىشى سانتا 29-دا، ەڭ ۇلكەنى 94-تە. ورتاشا سالماعى:  114 كگ، ەڭ جەڭىل سانتا (60) مەن ەڭ اۋىرىنىڭ (200) ورتا سالماعىن ەسەپتەگەندە. انا «قامپايعان» قارىن راس قارىن با؟ 78% «يا» دەيدى. مىنا ساقال شىن ساقال ما؟ 93% شىن دەيدى. كوز جەتكىزۋ ۇشىن ساقالىڭنان تارتقاندار بولدى ما؟ 67% «نەگىزىنەن بالالار تارتتى» دەسە، 25 % «ەرەسەكتەر تارتتى»  دەيدى. ساقالىڭىزدى بويايسىز با، جوق پا؟ 49 % قۇداي بەرگەن اق ساقال دەسە، 40 % ونى اق تۇسكە بوياعان، يا تۇزەپ-كۇزەگەن. تىزەڭىزگە وتىرعىزعان بالا «جىبەرىپ قويعان» كەز بولدى ما؟ 31% «يا» دەپ جاۋاپ بەردى. سانتانى جالداۋ قىزمەتىنە اگەنت قولداندىڭىز با؟ 24% «يا» دەدى. سىزدىڭ تەحنيكاعا جاقىن ەلف كومەكشىلەرىڭىز بار ما؟ 50% Cانتا اتىمەن فەيسبۋك پاراقشاسى بار، 44% سانتا قىزمەتى بويىنشا ۆەبسايتى بار، 24% «ماعان ەلەكتروندى پوشتانى قولدانا السام دا جامان بولماس ەدى» دەيدى. سىز سانتا مەكتەبىنە باردىڭىز با؟ 23% «جوق» دەسە، قالعاندارى بىر مارتە بولسا دا بارعام دەيدى. سۇيىكتى دامىڭىز: 44% شوكولاد تۇيىرشىكتەرى، 20% مەيىز قوسىلعان سۇلى قاۋىز، 9% قانت پەچەنە. سۇيىكتى سۋسىنىڭىز: 31% ىستىق كاكاو، 25% سۇت، 20 % ەگ-نوگ (الكوگول كولەمى كورسەتىلمەگەن). كريستماس مەرەكەسىندەگى سۇيىكتى انىڭىز: 21% «Santa Claus Is Coming to Town»، 18% «Silent Night»، 14% «Rudolf the Red-Nosed Reindeer». اسا ۇنامايتىن كريستماس انى: «The Twelve Days of Christmas» مەن «Grandma Got Run Over by a Reindeer» اندەرىنىڭ ارقايسىسى بىردەي – 1% تومەن كورسەتكىش كورسەتتى.

فوتو: دينا ليتوۆسكي

    

پىكىر جازۋ