گۇل پاتشاسى – قىزعالداق

ايگەرىم بەگىمبەت شۇبايقىزىل قىزعالداعى

جىلىنا بار بولعانى 15 كۇن عانا گۇلدەيتىن قىزعالداقتار بۇكىل القاپتى قىزىل كىلەمگە كومكەرىپ، جازيرالى كەڭ دالانى ودان سايىن اسقان سۇلۋلىق پەن اسەمدىككە بولەيدى. جانە قىزعالداقتار ساۋىر ايىنىڭ سوڭعى كۇندەرىندە عانا وسىپ شىعاتىندىقتان وزىمىزدىڭ تول مەرەكەمىز – ناۋرىزدىڭ دا سيمۆولى ىسپەتتى.

ناۋرىز مەيرامى قارساڭىندا كوشە بويىنا ىلىنەتىن باننەرلەرگە، تەلەارنالار مەن گازەت-جۋرنال بەتتەرىندە قىزعالداق فوتوسىنىڭ جارييالانىپ، بەينەلەنۋى تەگىن ەمەس. سەبەبى قازاق حالقىنىڭ تۇسىنىگىندە بۇل گۇل – كوكتەمنىڭ، جاڭا ومىردىڭ، كورىكتى تىرشىلىكتىڭ جارشىسى بولىپ ەسەپتەلەدى.

جەر بەتىندە قىزعالداقتىڭ 120-دان استام تۇرى بار بولسا، ولاردىڭ باسىم كوپشىلىگى شىعىس ازييا مەن وڭتۇستىك ەۋروپا ەلدەرىندە كەزدەسەدى. گۇل وندىرۋشىلەردىڭ كەيبىرى ول گۇلدى تەك ساتۋ ۇشىن عانا وسىرسە، قالعاندارى حوش يىستى پارفيۋمەرييالىق زاتتار جاساۋعا پايدالانادى ەكەن. ال بىزدىڭ وتاندىق ماماندار بۇل گۇلدىڭ «گرەيگ» دەگەن تۇرىن باۋىر اۋرۋلارىنا قارسى دارى-دارمەك رەتىندە پايدالانۋعا بولاتىنىن ايتۋدا. «گرەيگتىڭ ارتىقشىلىعى ول – 55 پايىز كراحمال مەن قانتتان تۇرادى. ال ونداي سۇيىقتىق اعزاعا اسا پايدالى»، – دەيدى ولار. ال وڭتۇستىك قازاقستان وبلىسى تۇلكىباس اۋدانىنداعى قىزىل توبەشىك ناق وسى گۇلدىڭ ورداسى سانالادى.

ال جالپى قازاق جەرىندە قىزعالداقتىڭ وتىزدان استام تۇرى بار. قىزعالداق گۇلدەرىن ىلە، جەتىسۋ (جوڭعار) الاتاۋىندا، كەتپەن (ۇزىنقارا) جوتاسى مەن شۋ اتىرابىنان كەزدەستىرەمىز. تىپتى «قىزعالداقتار ەلى» اتانىپ كەتكەن نيدەرلاندتىڭ وزىندە ناق وسى گۇلدىڭ تۇرلەرى وسىنشالىق اركەلكى ەمەس. سوعان قاراماستان قىزعالداق گۇلi نيدەرلاندتىقتار اراسىندا، اسا قاستەرلى سانالىپ،  جوعارى باعالانادى. سەبەبى ولار جىل سايىن قىزعالداق ساتۋدان 500 ميلليون اقش دوللار تابىس تاباتىنىنا قاراعاندا بىز قولدا بار مۇمكىندىكتى پايدالانا الماي وتىرعاندايمىز. سىز نە دەيسىز؟

فوتو: ايگەرىم بەگىمبەت

    

پىكىر جازۋ