قاناتى بۇتىن سۇڭقار جوق

01

قۇستار – تابيعات اتاۋلىنىڭ اجىراماس بولشەگى ىسپەتتى. تابيعاتقا سان بەرىپ، اسپانعا كورىك سىيلايتىن دا قۇستىڭ تۇرلەرى بار. سوندىقتان بولار جەر بەتىندەگى تىرشىلىكتى قۇستارسىز ەلەستەتۋ مۇمكىن ەمەس. باسقا باسقا قازاقتا قۇسقا قاتىستى ايتىلعان ماقال-ماتەل، جازىلعان شىعارمالار، تەڭەۋلەر مەن اڭىز-اڭگىمەلەر جەتىپ ارتىلادى.

اتاپ ايتقاندا، ەل ىشىندە قۇستاردىڭ ۇشىپ-قونۋى مەن جۇرىپ-تۇرۋىنا قاراپ جىل مەزگىلىن بولجاپ، ىرىم-جورالعى جاسايتىندار دا بار. قازاقتار اققۋدى ماحابباتقا، قارلىعاشتى ىنتىماققا، قىراندى عالامات كۇشكە تەڭەسە، ال ساۋىسقاندى ساقتىققا، بۇلبۇلدى اسەم داۋىستىڭ يەسى دەپ بىلگەن.

02

ال سۇڭقار قۇسى جىلدامدىق پەن ەپتىلىكتىڭ، العىرلىق پەن زەرەكتىكتىڭ سيمۆولىنا اينالعانداي. ودان بولەك «قاناتى بۇتىن سۇڭقار جوق، تۇياعى بۇتىن تۇلپار جوق» دەگەن تۇراقتى سوز تىركەسى جانە بار.

سۇڭقار – جۇپتاسىپ تىرشىلىك ەتەتىن جىرتقىش قۇستار وتريادىنا جاتادى. ول وز جەمىن كۇندىزگى ۋاقىتتا، كوكتە نەمەسە قوناقتاپ وتىرعان قۇستاردى ۇركىتىپ جىبەرىپ، ۇشقان بويدا ىلىپ اكەتەدى. ودان بولەك قويان سەكىلدى ۇساق اڭداردى جۇگىرىپ بارا جاتقان جەرىنەن تەۋىپ قالىپ جولىنان جاڭىلىستىرادى.

03

قازاق دۇنيەتانىمىندا وجەتتىلىگىمەن كوزگە تۇسكەن ەر-ازاماتتاردى اق سۇڭقارعا تەڭەۋ داعدىسى بار. بۇل جابى ەمەسپىن، تۇلپارمىن، قۇلادىن ەمەس، سۇڭقارمىز دەگەن ماقساتتا ايتىلسا كەرەك.

فوتو: التىنبەك قارتاباي، ەربولات شادراحوۆ

    

پىكىر جازۋ