كوش كولىكتى بولسىن!

01

قازاق حالقى ەجەلدەن تورت تۇلىك مالىن باعا جۇرىپ، جازدا جايلاۋعا، كۇزدە كۇزەۋگە، قىستا قىستاۋعا كوشىپ جۇرىپ ومىر سۇرگەن. ماقسات – مال باسىن كوبەيتۋ.­‌

جايلاۋ سۋى مول، شوبى شۇيگىن، ماسا-سوناسى، شىبىن-شىركەيى ازداۋ بولاتىن تاۋ بوكتەرى مەن قىرقا جوتالاردان تاڭدالعان. قازاقتىڭ كونەدەن كەلە جاتقان نەگىزگى جايلاۋىنا سارىارقا اتىرابى، مۇعالجار، التاي، تاراباعاتاي، ىلە جانە جەتىسۋ الاتاۋى، قاراتاۋ بوكتەرى جاتقىزىلادى.

02

03

مىسالى، ماڭعىستاۋ تۇبەگىنەن شىققان كوشپەندىلەر مۇعالجار تاۋلارىنا، قىزىلقۇمنان شىققاندارى تورعاي دالاسىنا، شۋ وزەنىنىڭ تومەنگى بولىگىنەن شىققاندار ۇلىتاۋعا دەيىنگى مىڭ شاقىرىمنان استام كوش جولدارىن باسىپ وتەتىن. ال قازاقستاننىڭ سولتۇستىك بولىگىندەگى جارتىلاي كوشپەلى قاۋىمنىڭ كوش جولدارى 40-80 شاقىرىمعا سوزىلسا، جەتىسۋداعى جايلاۋلار مەن قىستاۋلاردىڭ اراسى 100-200 شاقىرىم ارالىعىندا بولدى. جالپى جايلاۋلار قۇدىقتار، بۇلاقتار مەن وزەن-كولدەر اينالاسىنا ورنالاستى.

04

فوتو: جاينار داركەمباەۆ

    

پىكىر جازۋ