ايبىندى اسكەر – تاۋەلسىزدىك تىرەگى

01

كەز كەلگەن مەملەكەتتىڭ ۇلتتىق قاۋىپسىزدىگى – سول ەلدىڭ ەڭ ماڭىزدى ماسەلەلەرىنىڭ بىرى بولىپ سانالادى. سوندىقتان وز اسكەرىمىزدىڭ ايبىندى، قورعانىسىمىز قۋاتتى بولعاندا عانا بولاشاعىمىزدىڭ جارقىن بولارى سوزسىز.

02

1991 جىلى قازاق ەلى كسرو-دان بولىنىپ شىعىپ، دەربەس ەلدىڭ ىرگەسىن بەكىتۋ، ايبىنىن اسىرۋ ماقساتىندا قارۋلى كۇشتەرىن دە قۇرۋى كەرەك بولدى. وسىنى ەسكەرگەن ەلباسى نۇرسۇلتان نازارباەۆ دال سول جىلى «7 مامىر – وتان قورعاۋشىلار كۇنى» دەپ اتاپ وتۋدى بەلگىلەيتىن تيىستى زاڭعا قول قويعان بولاتىن. قازاقستان قارۋلى كۇشتەرىنىڭ قۇرىلۋى كۇننىڭ قۇرمەتىنە 1992 جىلى 7 مامىردا سول كەزدەگى استانامىز الماتىداعى رەسپۋبليكا الاڭىندا تاۋەلسىز قازاق ەلىنىڭ تۇڭعىش اسكەري پارادى وتكەن.

03

وتان قورعاۋشىلار كۇنى 2013 جىلعا دەيىن جاي عانا كاسىبي مەرەكە رەتىندە اتاپ وتىلىپ كەلگەن بولسا، مەملەكەتتىك مارتەبەسىن يەلەنگەننەن كەيىن كەڭ كولەمدە تويلانا باستادى. وعان دالەل 2013 جىلى قازاقستان تمد ەلدەرى ىشىندە العاشقىلاردىڭ بىرى بولىپ تۇڭعىش رەت جاۋىنگەرلىك پاراد وتكىزگەن-تىن. ول جولعى پارادقا تۇرلى اسكەري تەحنيكالار مەن 7 مىڭعا جۋىق اسكەري قىزمەتشى قاتىسسا، 2015 جىلى جەڭىستىڭ 70 جىلدىعى قارساڭىندا وتكىزىلگەن پارادقا اسكەري تەحنيكا تۇرلەرى مەن قارۋ-جاراق سانى رەكوردتىق كورسەتكىشكە جەتكەن. وعان 5 مىڭ جاۋىنگەر، 200 بىرلىك اسەري تەحنيكا مەن قارۋ-جاراق تۇرلەرى، 70 ۇشاق پەن تىكۇشاق قاتىسقان بولاتىن.

04

05قازاقستان رەسپۋبليكاسى قارۋلى كۇشتەرىنىڭ قۇرىلعانىنا 25 جىل تولۋىنا وراي وتكەلى وتىرعان بيىلعى جاۋىنگەرلىك پارادقا اسكەر قىزمەتكەرلەرى مەن اسكەري تەحنيكالار سانى بۇرىنعىدان كوپ بولماسا از بولمايىن دەپ تۇر.

سوڭعى مالىمەتتەرگە قاراعاندا، قازاقستاننىڭ قارۋلى كۇشتەرى الەمدىك رەيتينگتە 126 ەلدىڭ ىشىندە 53-ورىننان كورۋگە بولادى.

ايبىنى اسقاق، مارتەبەسى بيىك قارۋلى كۇشىمىز بار دا، ونى ماقتان تۇتار وسكەلەڭ ۇرپاقتىڭ دا بارىن ەستەن شىعارماعان ابزال.

06

فوتو: ەربولات شادراحوۆ

    

پىكىر جازۋ