سيرييا سوعىسىنىڭ شىندىعى

MD0916_3Q_160421_04512

«National Geographic» كورسەتكەن «جەردەگى توزاق: سيرييانىڭ قۇلدىراۋى نەمەسە يشيم-نىڭ كوتەرىلۋى» دەرەكتى فيلمىندە 55 جاستاعى جۋرناليست، وسكار يەگەرى سەباستيان دجۋنگەر سيريياداعى ازاماتتىق سوعىستىڭ ىشكى جاعدايىنا تەرەڭ ۇڭىلگەن.

– سىز فيلمدى نەگە سيرييا اۋماعىندا تۇسىردىڭىز؟

– وسىعان دەيىن ەشكىم بۇل سوعىستى ەگجەي-تەگ-جەيلى بايانداعان ەمەس. وزگە سوعىستاردىڭ قالاي تۇسىرىلەتىنىن بىلمەدىم، بىراق بىز بۇل فيلمدى سيريياعا بارىپ تۇسىرمەسەك، ونداعى جاعدايدى جان-جاقتى كورسەتە الماعان بولار ەدىك. فيلم دە يشيم-نىڭ – ادامداردى تەز ەلىكتىرىپ اكەتەتىن ۇيىم ەكەنىن العىشارت رەتىندە الدىق. نەگە الەم ول ۇيىمنىڭ كوزىن جويۋدى قالايدى؟ جانە ونىڭ سەبەبى نەدە دەگەن سۇراققا جاۋاپ بەرۋگە تىرىستىق.

– سوعىستى تاسپاعا تۇسىرۋ ومىرىڭىزدى وزگەرتتى مە؟

– قازىرگى تاڭدا جۋرناليستەر ەرەكشە نىسانادا. ۇرلانىپ تا، جارييالى تۇردە دە ولتىرىلىپ جاتىر. بۇرىنىراقتا بۇل سيرييانىڭ وز شارۋاسى دەپ بىلىپ، باتىس ەلدەرىنىڭ تىلشىلەرىن قايداعى بىرەۋلەردىڭ شايقاسى ورتاسىنداعى كامەرانىڭ الدىندا كورۋدى قالامايتىن ەدىك. سوعىس رەپورتاجدارى اسەرلى ارى قىزىقتى بولعانىمەن، وتە شەكتەۋلى. ارىپتەسىم تيم حەتەرينگتون ليۆييادا ولتىرىلگەندە، ەندى سوعىستى ەشقاشان تىكەلەي تۇسىرمەيمىن دەپ شەشكەن بولاتىنمىن. مەنىڭ قابىلەتىم وق جاۋعان كولىكتىڭ قالقاسىنان گورى، تۇسىرۋ الاڭىندا رەجيسسەر رەتىندە اشىلار ەدى…

– سوعىس قوعامدى قالاي وزگەرتەدى؟

– ساراەۆوداعى وقيعانىڭ اياقتالعانىنا 20 جىل تولعاننان كەيىن بىر ايەل ماعان: «بىلەسىڭ بە، بىزدىڭ كوبىمىز سوعىستى ىشتەي قالايمىز»، – دەدى. ال نە دەيسىز؟ ادامدار قوعامداسىپ ومىر سۇرۋگە بەيىمدەلگەن، ال بىرلىك – پسيحيكالىق اۋرۋلارعا قارسى قالقان. «تايپا» اتتى كىتابىمدا مەن اقش اسكەرلەرىنىڭ شايقاسقا شەبەر بولا تۇرا نەگە پسيحيكالىق سوققى دەرتى بويىنشا جوعارعى كورسەتكىشكە (11-20%) يە ەكەنىن تۇسىنگىم كەلدى. بۇل كورسەتكىش يزرايل اسكەرىندە 1% عانا.

فوتو: ستەفان رۋيز

    

پىكىر جازۋ