سەكسەۋىلدىڭ قىزۋىنداي

01

قازاقتار سەكسەۋىل اعاشىن قاسيەتتى سانايتىندىقتان ونىڭ تومارىن ۇيدىڭ توبەسىنە شىعارىپ قويادى. بۇل ىرىم «جاماندىقتان، اۋرۋ-سىرقاۋدان، ساقتايدى، توبەدەن جاي تۇسىرتكىزبەيدى» دەگەننەن شىققان.

سەكسەۋىل – اعاش تۇقىمداس وسىمدىك. ورتالىق ازييا مەن اراب ەلدەرىندە ونعا جۋىق تۇرى وسسە، ال قازاق جەرىندە ول اعاشتىڭ «اق»، «قارا» جانە «زايسان سەكسەۋىلى» دەپ اتالاتىن ۇش تۇرىن كەزدەستىرەمىز.

سەكسەۋىلدەر كوبىنە قۇمدى، سورتاڭ، ارى تاقىر جەرلەردە وسۋگە بەيiم. ال ونىڭ تارماقتالعان تامىرلارى جەل سوققان كەزدەرى سۋسىمالى قۇمدى تورلاپ الىپ، قۇم كوشىن توقتاتادى. سەكسەۋىل تامىرىنىڭ ۇزىندى 11 مەترگە دەيىن جەتسە، بيىكتىگى 7 مەتردەن اسادى. بۇل اعاشتىڭ وتقا جانعىشتىعى مەن شوعىنىڭ قىزۋى كومiردەن ارتىق بولماسا، بiر مىسقال دا كەم تۇسپەيدى.

فوتو: ەربولات شادراحوۆ

    

پىكىر جازۋ