جەمىس-جيدەك جاعراپيياسى

جۇگەرىنىڭ تۇرلى سۇرىپتارىنىڭ دۇمبىلى، دانى جانە سوبىعىمەن بەينەلەنگەن اقش-تىڭ كوركەم كارتاسى

جۇگەرىنىڭ تۇرلى سۇرىپتارىنىڭ دۇمبىلى، دانى جانە سوبىعىمەن بەينەلەنگەن اقش-تىڭ كوركەم كارتاسى

كەترين تسۋكەرمان

ازىق-تۇلىك جايىن اقىلداسايىقشى. داقىلداردىڭ بەلگىلى بىر وتانى بولا ما؟

بۇل سۇراقتى ونىمدەردىڭ شىعۋ تەگىنە بايلانىستى مەملەكەتتەر مەن كونتينەنتتەر كارتاسىنا ورنالاستىرىپ، «ازىق-تۇلىك كارتاسى» دەپ اتالاتىن توپتامالار جيىنتىعىن جاساپ جۇرگەن سۋرەتشىلەر گەنري حارگريۆز بەن كەيتلين لەۆين وزدەرىنە قويعان ەدى. ۇندىستان — دامدەۋىشى، جاڭا زەلاندييا – كيۆي جانە وڭتۇستىك امەريكا تسيترۋسىمەن كومكەرىلگەن كارتانى ەلەستەتىپ كورىڭىزشى!

الەمنىڭ ار تۇكپىرىندە وسىرىلەتىن باسقا دا ازىق-تۇلىكتىڭ شىعۋ تەگى اردايىم وزگەرىپ وتىرۋى مۇمكىن بە؟ ماسەلەن، قىزاناقتىڭ تەگى وڭتۇستىك امەريكادان شىقسا دا، بۇگىندە ول – يتالييانىڭ نەگىزگى تاعامدارىنىڭ بىرى بولىپ تابىلادى. بۇل بايلانىستىڭ 1548 جىلعا دەيىن باستالعانىن ايتقان «ميسسۋري بوتانيكالىق باعىنىڭ» قۇرمەتتى پرەزيدەنتى پيتەر رەيۆەن: «قىزاناقتى امەريكادان باسقا جەردە پايدالانۋ تۋرالى دەرەكتەر توسكانادان تابىلدى»، – دەيدى. حارگريۆز بەن لەۆين اقش-تىڭ كارتاسىن جاساۋ ۇشىن بىرقاتار ازىق-تۇلىك تۇرلەرى مەن ونىمدەرىن پايدالاندى. مۇنىڭ وزىندىك سەبەبى دە بار. جەتى مىڭ جىل بۇرىن سولتۇستىككە تارالىپ، تەز بەيىمدەلگىشتىگى مەن يكەمدەلگىشتىگى ارقاسىندا جاڭا تۇرلەرى كوبەيگەن داقىلداردى بۇگىندە ەشبىر مەملەكەت اقش-تان ارتىق وندىرمەيدى.

«راسىندا، – دەيدى ايوۆو شتاتى ۋنيۆەرسيتەتىنىڭ اگرونومى مارك ليحت، – قازىرگى تاڭدا ازىق-تۇلىكتىڭ بۇل تۇرلەرى اقش-تىڭ بۇكىل شتاتتارىندا، نيۋ-حەمپشيردەن گاۆاييعا دەيىن وسەدى».

    

پىكىر جازۋ