.

قوقىستى قوقىس قۋادى…

STOCK_aframe_dede_zak_6862

كاتەرينا تسۋكەرمان

فوتوگراف زاك نويل ۇشىن سۋ بەتىندەگى قوقىستى سۋرەتكە تۇسىرۋ تاڭعالارلىق جايت ەمەس. الايدا ول دجاۆا جاعا­لاۋىندا جۇرگەندە جاعا ۇستاتار جايتقا تاپ بولدى. ول 2012 جىلى يندونەزييا­لىق سەرفەرشى دەدە سۋرييانادان (وڭ جاقتا) سۇحبات الىپ جاتىپ وزىن قوقىس تەڭىزىنە تۇسىپ كەتكەندەي سەزىنىپتى. «بۇل تاڭعالارلىق جاعداي، – دەيدى ول، –  تىپتى، تەڭىزدەن ادامنىڭ مايىتىن كورىپ قالام با دەپ قاۋىپتەندىم».

جىل سايىن شامامەن سەگىز ميلليون توننا پلاستيك مۇحيتقا تاستالادى ەكەن. 2015 جىلعى باياندامادا قاي ەلدەردىڭ مۇحيتتى قاتتى لاستايتىنى ايتىلدى. تىزىمنىڭ جۋان باسىنا قىتاي، فيليپپين جانە يندونەزييا جايعاسىپتى.

«قوقىس تولى جاعالاۋلار تەك وڭتۇستىك-شىعىس ازييا ەلدەرىنە عانا تان ەمەس، – دەيدى سۋ بيولوگى ارى «مۇحيتتى قورعاۋ جانە قوقىستان تازا تەڭىز» باعدارلاماسىنىڭ جەتەكشىسى نيكوليا ماللوس. – بۇل وكىنىشكە قاراي، دامۋشى ەلدەردىڭ بىرشاماسى ۇشىن قالىپتى جايت».

قوقىس عالامدىق پروبلەماعا اينال­عانى­مەن، ماللوس جاقسىلىقتان ۇمىتسىز ەمەس. ماسەلەن، 2016 جىلى اقش-تىڭ كاليفورنييا شتاتى داۋىس بەرۋشىلەرى مەملەكەتتىڭ پلاستيكالىق قالتالارعا تىيىم سالۋىنا قول جەتكىزدى. «يندونەزييا دا قاراپ جاتقان جوق. وندا بەلسەندىلەر كۇن ساناپ كوبەيۋدە»، – دەيدى ماللوس. باسقاشا ايتقاندا، تازالىق ۇشىن كۇرەس باستالىپ كەلەدى.

       

پىكىر جازۋ