.

«National Geographic قازاقستان» ەڭ ۇزدىك جۋرنال اتاندى!

01

وسىدان بىرەر كۇن بۇرىن قر اقپارات جانە كوممۋنيكاتسييالار مينيسترى داۋرەن اباەۆ وزىنىڭ الەۋمەتتىك جەلىدەگى پاراقشاسىندا: «قۇرمەتتى دوستار! بىز باسپا، راديو جانە ينتەرنەت جۋرناليستيكا سالاسىنا ارنالعان تۇڭعىش ۇلتتىق «ۇركەر» سىيلىعىن جارييالايمىز» دەپ جازعان ەدى.

 ال كەشە، 28 ماۋسىم، جۋرناليستەردىڭ ناق كاسىبي مەرەكەسى كۇنى استانادا ەل تاريحىنداعى تۇڭعىش «ۇركەر» ۇلتتىق سىيلىعىن وز يەلەرىنە سالتاناتتى تۇردە تابىستاۋ راسىمى وتتى.

02

سالتاناتتى جيىننىڭ اشىلۋ بارىسىندا سوز العان مينيستر مىرزا بىلاي دەدى: «كۇنى كەشە اقپارات تۋرالى زاڭنامانى تالقىلاعاندا ماعان جۋرناليستەردىڭ مارتەبەسىنە قاتىستى كوپ سۇراقتار قويىلدى. اقپارات سالاسىندا جۇرگەن مامانداردىڭ مارتەبەسىن كوتەرۋدىڭ ماڭىزدىلىعى جايىندا ايتىلدى. بۇگىنگى «ۇركەر» سىيلىعى دا جۋرناليستەردىڭ مارتەبەسىن كوتەرۋگە وز ۇلەسىن قوسا الادى دەپ سەنەمىن. وسى پرەمييا ومىرشەڭ ارى اشىق بولسىن! بولاشاعى زور بولسىن!».

«ۇركەر» سىيلىعى 15 نوميناتسييا بويىنشا تابىستالدى. اتاپ ايتقاندا، «ۇزدىك ايماقتىق باسپاسوز باسىلىمى»، «ۇزدىك راديوباعدارلاما»، «ۇزدىك سالالىق باسپاسوز باسىلىم»، «ۇزدىك جىل جۋرنالى»، «ۇزدىك رەسپۋبليكالىق باسپاسوز باسىلىمى»، «ۇزدىك رەپورتاج»، «قازنەتتەگى مەدياسەرپىلىس»، «ۇزدىك ايماقتىق راديوستانتسييا»، «ۇزدىك جۋرناليستىك زەرتتەۋ»، «ۇزدىك ينتەرۆيۋ»، «قازاقستان تۋرالى ۇزدىك تانىمدىق ماتەريال»، «ۇزدىك حالىقارالىق ساراپتامالىق ماتەريال»، «جۋرناليستيكاداعى دەبيۋت»، «ۇزدىك فوتوسۋرەت»، «ۇزدىك ساراپتامالىق ماتەريال». بايقاۋعا قاتىسۋعا 860 ۇمىتكەر نيەت بىلدىرگەن.

03

«National Geographic قازاقستان» جۋرنالى «ۇزدىك جىل جۋرنالى» اتالىمىندا ۇزدىكتەر قاتارىنان كورىندى.

فوتو: تۇرار قازانعاپوۆ، ەربولات شادراحوۆ

       

پىكىر جازۋ