كۇيكەنتايدان قاشقان تورعايىم-اي!

01

كۇيكەنتاي – سۇڭقار تەكتەس جىرتقىش قۇستار قاتارىنا جاتقىزىلادى. قازاق جەرىندە ونىڭ ەكى تۇرى كەزدەسەدى: دالا كۇيكەنتايى جانە كادىگىمگى كۇيكەنتاي. دەنە تۇرقى 29-33 سم. بولسا، قاناتىنىڭ ۇزىندىعى 23-28 سم. ارالىعىندا بولادى. ۇياباسارىنىڭ سالماعى 190-280 گرامعا دەيىن جەتەدى.

02

ۇياسىن جارتاسقا نەمەسە اعاش باسىنا سالىپ، مامىر ايىندا بۋرىل، سارعىلت تۇستى 2-6 دانا جۇرتقا باسىپ شىعارادى. كۇيكەنتايدىڭ ەرەكشەلىگى – ول دا سۇڭقار تارىزدى جەمىن اۋادا ۇشىپ جۇرگەن جەرىنەن ىلە الادى. ونى كەيبىر ادامدار ەگىس القاپتارىن تورعاي سەكىلدى مايدا قۇستار مەن جاندىكتەردەن قورعاۋ ۇشىن ارنايى الدىرتىپ، پايدالانادى ەكەن. سودان بولسا كەرەك قازاقتار پاناسىزدى، جاعداي تىم ناشار جانداردى «كۇيكەنتايدان قاشقان تورعايعا» تەڭەيتىنى بار.

03

كۇزدى كۇندەرى جىلى جاققا ۇشىپ كەتىپ، ساۋىر ايىندا ۇشىپ كەلەدى. جىلقۇستارى جىلى جاققا ۇشقاندا كەيبىر كۇيكەنتايلار قازاقستاننىڭ ورتالىعى (ناۋرىزىم قورىعىندا) مەن ورتالىق ازييادا قالىپ قويسا، ال باسىم كوپشىلىگى افريكا ەلدەرى اۋماعىندا قىستاپ شىعادى.

فوتو: دميتريي رۋگيس

    

پىكىر جازۋ