.

گولو-قاڭقالار

STOCK_20170209_130828_HoloLens

نينا ستروچليك

2014 جىلى راديولوگييا پروفەسسورى مارك گريسۋولد اناتومييانى ۇيرەتۋدىڭ تىڭ ادىسىن ىزدەپ جۇرگەن بولاتىن. مايىت زەرتحاناسىن اشۋ تىم قىمباتقا سوعادى. قىزىعى سول، ادام مايىتى تىم از مالىمەت بەرەدى ەكەن. زەرتتەۋىنىڭ ورتا تۇسىندا گريسۋولد «Microsoft-تىڭ» اسا قۇپييا كەشەنىنە شاقىرتۋ الادى. ول كەز كەلگەن نارسەنى ۇيرەنۋگە پايداسى زور ۆيرتۋالدى شىندىق (ۆش) گارنيتۋراسىن كورەمىن دەپ كۇتكەن. الايدا تەحنيك-ماماندار وعان ودان دا وزىق نارسە ۇسىندى: بۇل گولوگراممالاردى كورۋگە مۇمكىندىك بەرەتىن العاشقى اۆتونومدىق كومپيۋتەر – گولو-لينزالار دەپ اتالاتىن گارنيتۋرا ەدى.

گارنيتۋرانى كيگەن گريسۋولد مارس تاۋىنان بىر-اق شىقتى. ونىڭ جانىنان NASA قىزمەتكەرى دە تابىلا كەتتى.  ولار وزارا سويلەسە كەلىپ، تىپتى كوز دە ­تۇ­يىستىردى. الايدا بۇل گولوگرامما وزگە بولمەدەگى عالىم بولاتىن. مارس تا عارىش كەمەسىنەن تۇسىرىلگەن كەسكىندەردەن قۇرالعان ەدى. تاجىريبەنىڭ كەرەمەتتىگى سونشا، گريسۋولد وتىرا قالدى دا: «مەن سول كۇنى ومىرىمنىڭ تۇبەگەيلى وزگەرگەنىن بىردەن سەزدىم»، – دەدى. ول بۇل گارنيتۋرانىڭ سىنىپتا باعا جەتپەس قۇرىلعى ەكەنىن تۇسىندى.

گريسۋولد پەن ونىڭ كەيس ۆەرستەرن رەزەرۆ ۋنيۆەرسيتەتى مەن كليۆلەند كلينيكاسىنداعى ارىپتەستەرى وزارا بىرىگىپ، اناتومييا پانىن تۇبەگەيلى وزگەرتەتىن گولو-لينزالارعا ارنالعان باعدارلاما جاساۋعا كىرىستى. وتكەن جىلى ولار «گولواناتومييا» اتتى ادام قاڭقالارىن، اعزالارىن 3D فورماتتا كورۋگە، ولاردىڭ كولەمى مەن قوزعالىسىن ارتۇرلى بۇرىشتان زەرتتەۋگە مۇمكىندىك بەرەتىن دەمونستراتسييالىق قوسىمشا دايىنداپ شىعارعان بولاتىن.

ۆش تۇتىنۋشىلاردى باسقا الەمگە الىپ كەتەدى. ال گولو-لينزالار بولسا، باسقاشا جۇمىس ىستەيدى. مۇندا «فيزيكالىق جانە گولوگرافييالىق دەنەلەر شىنايى ۋاقىتتا ومىر سۇرىپ، وزارا ارەكەتتەسەدى»، – دەيدى «Microsoft» كومپانيياسىنىڭ قىزمەتكەرى لورەن باردين. وسىلايشا، ساباق ۋاقىتىندا ستۋدەنتتەر مۇعالىم، دوستارى مەن گولوگرافييالىق بەينەلەرمەن دە ارالاسا الادى دەگەن سوز.

گولو-لينزالار اۆياتسييادان باستاپ، سان ديزاينىنا دەيىنگى كوپتەگەن سالاعا ەنۋدە. مەديتسينالىق تەحنولوگيياعا نەگىزدەلەتىن كومپانييا جاقىندا وتا جاساۋ بولمەلەرىن جاڭارتا باستادى. وسىلايشا، بىر كۇنى اناتومييانى گولوگراممامەن وقىعان ستۋدەنتتەر گولو-لينزامەن جابدىقتالعان بولمەلەردە ەمىن-ەركىن وتا جاساي الاتىن بولادى.

كەيس ۆەستەرن 2019 جىلى گولو-لينزامەن جابدىقتالعان زەرتحانا اشۋدى جوسپارلايدى. «كەلەشەكتە تەحنولوگييا اسەرىنە ۇشىراماعان سىنىپ قالمايدى»، – دەيدى گريسۋولد.

STOCK_CWRU-MICROSOFT-IMAGE

«مەن سول كۇنى ومىرىمنىڭ تۇبەگەيلى وزگەرگەنىن بىردەن سەزدىم».

مارك گريسۋولد، كەيس ۆەرستەرن رەزەرۆ ۋنيۆەرسيتەتى


كەيس ۆەستەرن ستۋدەنتتەرى گولوگرافييالىق شىندىق ارالاس گارنيتۋرا – گولو-لينزانى سىناپ كورۋدە. تومەندەگى سۋرەتتەگى ديسپلەيدە دەنە 3D فورماتتا كورسەتىلگەن.

جەلىدە: گولو-لينزا مۇمكىندىكتەرىن كورۋ ۇشىن مىنا سىلتەمەگە وتىڭىز ngm.com/Jun2017.

فوتو: كەيس ۆەرستەرن رەزەرۆ ۋنيۆەرسيتەتى
يلليۋستراتسييا: MICROSOFT

       

پىكىر جازۋ