.

اركىم مۇحيتىن وزى قورعاسىن!

فوتو: جۋست ۆان ۋففەلەن، فرانسۋا سشەار، رولەكس (فورسبەرگ)

فوتو: جۋست ۆان ۋففەلەن، فرانسۋا سشەار، رولەكس (فورسبەرگ)

دەنيەل ستوۋن

باعزى زاماننان كەلە جاتقان «اش ادامعا بالىق بەرمە، قارماق بەر» قاعيداسىنىڭ سۋ جانۋارلارىن قورعاۋ­عا تىكەلەي قاتىسى بار سيياقتى. تابيعات جاناشىرلارى دامۋشى ەلدەرگە جاعالاۋدىڭ لاستانۋى جانە بالىق شارۋاشىلىعىنىڭ ماسەلەلەرىن شەشىپ بەرگەننەن گورى، وز بەتىمەن شەشۋ جولدارىن ۇيرەتكەن ابزالىراق دەپ ەسەپتەيدى.

بيولوگ كەرستين فورسبەرگ كوپتەن بەرى جاعاجاي مەن مۇحيتتى قورعاۋ، اسىرەسە پەرۋلىك الىپ تەڭىز اجداھاسىن (مانتا – Manta birostris) ساقتاپ قالۋعا قاتىستى وسى قاعيدانى ۇستانادى. «مانتالار وتە سيرەك تۇرلەرگە جاتادى. ولار مۇحيت جاعدايىنان حابار بەرۋشىلەر»، – دەيدى ول. كەيدە بايقاۋسىزدا بالىقشىلاردىڭ اۋىنا تۇسىپ قالاتىنى بولماسا، مانتالار حالىقارالىق تابيعات قورعاۋ ۇيىمىنىڭ جويىلىپ بارا جاتقان جانۋارلار تىزىمىندە بار.

فورسبەرگ – «رولەكس» كاسىپكەرلىك سىيلىعىنىڭ لاۋرەاتى جانە مۇحيت تىرشىلىگىن قورعاۋعا باعىتتالعان كوممەرتسييالىق ەمەس «عالام-مۇحيت» جوباسىنىڭ نەگىزىن قالاۋشى ارى ديرەكتورى. ونىڭ زەرتتەۋ توبى الىپ مانتالاردىڭ جويىلىپ كەتۋ قاۋپىنىڭ الدىن الۋمەن قاتار، سۋاستى الەمىن زەرتتەيدى، مەكتەپ مۇعالىمدەرىنىڭ بىر-بىرىنەن مالىمەت الۋلارىنا مۇمكىندىك بەرەدى. سونداي-اق ساباق جوسپارىمەن الماسۋ ۇشىن جەلىلىك بايلانىس قالىپتاستىرىپ، ەكوتۋريزم سالاسىن دامىتقىسى كەلەتىن بالىقشىلار مەن كاسىپكەرلەرگە قارجىلاي جاردەم كورسەتەدى.


«National Geographic» بۇل ماقالانى «Rolex» كاسىپكەرلىك سىيلىعىمەن سەرىكتەستىكتىگى اياسىندا جارييالادى.

RAE16Forsberg_16fs_024

تابيعاتتى قورعاۋ بيولوگى ك. فورسبەرگ مانتالاردى قورعاۋ ۇشىن جەرگىلىكتى قوعام ساناسىن وزگەرتۋ كەرەك دەپ ەسەپتەيدى.

FACEBOOK.COM/PLANETAOCEANO

ROLEXAWARDS.COM

       

پىكىر جازۋ