.

ازابى قاتتى دامى تاتتى

كاتەرينا تسۋكەرمان

شىعىس نەپالدىڭ نۋ ورماندى جارتاستارىنان ۇزىندىعى ەكى مەترگە جۋىق ارا ۇياسىن كورەسىز. سول ۇيالاردان ۇلكەن گيمالاي ارالارى ۇشىپ شىعادى.

بۇل جەردە بال جيناۋ استە مۇمكىن ەمەس. اسقان تاۋەكەلگە باراتىن ومارتاشىلار 90 مەتر بيىكتىككە بامبۋك ساباقتارىنان ورىلگەن ساتىمەن كوتەرىلەدى. تەپە-تەڭدىك ۇستاۋ بىلاي تۇرسىن، قۇجىناعان ارا ۇياسىن «شۇقىلاپ»، مىڭداعان جاندىكتىڭ قاھارىنا ۇشىرايسىز. دەگەنمەن ماللي دان ۇشىن «جابايى بالدان» تۇسەتىن ازىن-اۋلاق پايدا اراعا جۇز مارتە تالانىپ، قۇلاپ مەرتتىگۋدەن دە ارتىق.

بالكىم، داننىڭ امان-ساۋ جۇرۋىنىڭ بىر سەبەبى بار بولار؟ ول شىققان كۋلۋنگ تايپاسىنىڭ نانىم-سەنىمىندە ايان تۇسكەن ادام عانا بال جينايدى. ال دانعا بار-جوعى 15 جاسىندا ايان تۇسكەن. قىرىق جىلدان استام جانىن شۇبەرەككە تۇيىپ جۇرگەن ونىڭ ەندىگى ارمانى – امانىندا زەينەتكە شىعۋ. ەندى كىمگە ايان تۇسىپ، ول بالشى بولار ەكەن؟


گيمالايداعى بال جيناۋ كاسىبى جايلى كوبىرەك بىلگىڭىز كەلسە، «National Geographic» جۋرنالىنىڭ الداعى ساندارىندا شىعاتىن مارك سيننوت ماقالاسىن وقىڭىز.

فوتو: رەنان وزتۋرك

       

پىكىر جازۋ