.

ورمەلەۋ قۇمارلىعى

يتالييانىڭ الپى تاۋلارىنداعى via ferrata ورمەلەۋ جۇيەسىندە قاۋىپسىزدىك بارىنشا قامتاماسىز ەتىلگەن. بەكىتىلگەن ارقان تەكپىشەكتەر مەن اياق تىرەگىشتەر كوتەرىلۋدى وڭاي ارى قاۋىپسىز ەتەدى.

پاتريcيا ەدموندس

I دۇنيەجۇزىلىك سوعىسى ساربازدارىن دولوميتتەر تاۋىنان وتكىزۋگە كومەكتەسۋ ۇشىن سالىنعان ارقان، ساتى مەن تەكپىشەكتەر جۇيەسى via ferrata (تەمىرسوقپاق) دەپ اتالدى. بۇگىندە مۇنداي كومەكشى توراپتار التى قۇرلىقتا بار جانە ارداگەر الپينيست گيد ماركۋس بەكتىڭ ايتۋىنشا، تاجىريبەسىز جيھانكەزدەرگە «بىر زاماندا جارتاسقا ورمەلەۋشىلەر مەن الپينيستەردىڭ عانا تابانى تيگەن جەرلەرگە» ساياحاتتاۋعا مۇمكىندىك بەرەدى.

پەدياترييا سالاسىنداعى جەدەل جاردەم مەيىربيكەسى، 53 جاستاعى حايدي فاررينگتون ۇش جىل بۇرىن via ferrata كومەگىمەن باتىس ۆيردجينييانى باعىندىردى.  «ول ساتتە وزىمدى قاۋىپسىز سەزىندىم»، – دەيدى ول. ورمەلەۋ ساياحاتىنان ماساتتانعانى سونشا، فاررينگتون ونىمەن كوبىرەك اينالىسا باستادى جانە كەيىنىرەك الپى تاۋىنا ساپار شەكتى.

سونداعى ونىڭ تاۋ جولباستاۋشىسى البەرتو دە گۋلي: «بۇل – ساياباق ستيلىندەگى ساياحات ەمەس، ناعىز شىتىرمان. ورمەلەۋ ۇشىن ارقانعا جابىساسىڭ، الايدا اياقتارىڭ تاسقا تيىپ تۇرادى»، – دەيدى.

فوتو: مارتين برايتو، IMAGE BROKER/AURORA PHOTOS

       

پىكىر جازۋ