.

ماڭىزدى ميسسييانى بىرگە اتقارعان قوس الىپ

«National Geographic» پرەزيدەنتى جانە اتقارۋشى ديرەكتورى گەري ە.نەلل:

«National Geographic» دەگەندە زەرتتەۋ­-شارلاۋ تىركەسى ويعا ورالادى. 129 جىل بويى بۇل بىزدىڭ بولمىسىمىزدىڭ نەگىزى بولىپ كەلدى جانە بۇل قىزمەتتى دال بىزدەي اتقاراتىن ەشكىم جوق.

قىزمەتىمىزدەگى اتالعان مەرزىمنىڭ 63 جىلىن كەرەمەت سەرىكتەسىمىز – «رولەكس­پەن» بىرگە وتكىزدىك. ونىڭ ساعاتتارى جەر شارىنىڭ تۇپسىز تۇڭعيىق مۇحيتتارىنان ۇشار شىڭدارىنا دەيىنگى جەردە زەرتتەۋ­شىلەردىڭ قولدارىنان تۇسپەدى. «رولەكس» ۇزاق جىلدار بويى زەرتتەۋگە دەگەن قۇشتارلىعىن ەش تومەندەتكەن جوق.

بىزدىڭ ورتاق قۇشتارلىعىمىز – عىلىم تانىماعان دۇنيەنى زەرتتەۋ. سونىمەن بىرگە بىز عالامشارىمىزعا دەگەن تەرەڭ جاۋاپكەرشىلىكتى جانە ونىڭ عالاماتتارىن قورعاۋ ماڭىزدىلىعىن تۇسىنۋدەگى سەزىمىمىزبەن بولىسەمىز.

وسى ايدا بىز «رولەكس» ۇيىمىمەن ىنتىماقتاستىعىمىزدىڭ كەڭەيگەنىن قۋانا حابارلايمىز. مۇنداي نارسە «National Geographic» تاريحىندا بۇرىن بولماعان، ەندى ەكى ۇيىمنىڭ ورتاق كۇش جۇمىلدىرۋى ارمەن قاراي جالعاسا بەرمەك.

كوزدەگەنىمىزگە قالاي قول جەتكىزەمىز؟ الداعى بەس جىلدا نازارىمىزدى عالامشارىمىزدىڭ ۇش ەرەكشە ماڭىز­دى اتريبۋتى: مۇحيتتار، پوليۋستەر جانە تاۋلارعا تۇيىندەۋ ارقىلى. بىز عىلىمي جاڭالىقتارعا جەتەلەيتىن ەكسپەديتسييالارعا قولداۋ بىلدىرەمىز نەمەسە ولارعا قاتىسامىز. جاڭا زەرتتەۋ تەحنولوگييالارىن شىعارۋعا ىقپال ەتەتىن زەرتتەۋ جۇمىستارى مەن ونەرتابىستارىنا اتسالىسامىز جانە تابيعاتتى قورعاۋدا كوپشىلىك قولداۋىن تۋدىراتىن سامميتتەر مەن شارالار وتكىزەتىن بولامىز.

الەم حالقىنىڭ كوزىن اشىپ، جۇرەگىندە مەيىرىم وياتۋ ۇشىن «National Geographic» قوعامىنىڭ ماركالى جۋرناليستيكا جانە فوتولارى ارقىلى وسى ىنتىماقتاستىق جونىندە بايانداپ وتىرامىز. بىزدىڭ ماقساتتارىمىزدا وقيعا اڭگىمەلەۋدىڭ ساندىق ورتالىعى، ۆيدەو جانە ۆيرتۋالدىق شىندىق تاجىريبەلەرى، الەۋمەتتىك جەلى ارنالارى، تەلەۆيزييا باعدارلامالارى، فيلمدەر جانە تاعى دا باسقا كوپتەگەن قىزىقتى دۇنيەلەر بار.

الەمىمىزدىڭ سىرىن اشۋعا بەت العان ساپارىمىزدا بىزبەن بىرگە بولعانى ۇشىن «رولەكسكە» العىسىمىز شەكسىز. وسى ۋاقىتقا دەيىنگى كوپجىلدىق تاجىريبەمىز الداعى ىسىمىزدىڭ ىرگەسى مىقتى سۇيەنىشى بولماق.

وسى تارتىمدى جاڭالىقتاردى بىزبەن بىرگە اشۋعا شاقىرامىز.

«National Geographic» جانە «رولەكس» ۇيىمدارى الەمنىڭ ەڭ تانىمال زەرتتەۋشىلەرىنىڭ تاريحي ەرلىكتەرىنە دەمەۋ بولدى. سولاردىڭ ىشىندە: فوتوگراف دەۆيد دۋبيلە، وكەانوگراف سيلۆييا ەرل جانە پروديۋسەر دجەيمس كامەرون بار

فوتو: دجەننيفەر حايەس، NATIONAL GEOGRAPHIC CREATIVE; ماركو گروب; مارك تيسسەن، NGM قىزمەتكەرلەرى

       

پىكىر جازۋ