.

ال گور

اقش-تىڭ بۇرىنعى ۆيتسە-پرەزيدەنتى ال گور 2006 جىلى An Inconvenient Truth («قولايسىز شىندىق») دەپ اتالاتىن دەرەكتى فيلمىندە جۇرتشىلىق نازارىن كليمات وزگەرىسىنە اۋداردى. وسى شىلدەدە An Inconvenient Sequel سەريياسى كورەرمەندەرگە جول تارتادى. 69 جاستاعى گوردىڭ ايتۋىنشا، قازىر تىگىلگەن باس جوعارى، شەشىمدەر بۇرىنعىدان انىق.


كليمات وزگەرىسى تۋرالى قوعامنىڭ تەرىس تۇسىنىگى جونىندە نە ويلايسىز؟

– مەنىڭشە، قوعامنىڭ باسىم بولىگى كليمات وزگەرۋى اسا ماڭىزدى ماسەلە ەكەنىن جانە ونىڭ شەشىمىن تابۋ ۇشىن باتىل ارەكەتتەر جاساۋ كەرەكتىگىن جاقسى تۇسىنەدى. ەڭ بۇلتارتپايتىن دالەلدەردى تابيعات-انانىڭ وزى بەردى. قازىرگى تاڭدا اۋا رايىنىڭ اپتاپ ىستىعىنىڭ جيىلەۋى مەن ايازدىڭ ىزعارلىلىعى سونشالىق، اينالادا بولىپ جاتقاندى كورۋ قيىنداپ كەتتى. ايتسە دە، تىپتى «جاھاندىق جىلىنۋ» نە «كليماتتىڭ وزگەرۋى» سەكىلدى سوزدەردى قولدانعىسى كەلمەيتىندەردىڭ وزى مۇنىڭ باسقا جولىن تاپقان. «يا، بىز كۇن، جەل ەنەرگيياسىنا، باتارەيالارعا، ەلەكتر كومەگىمەن جۇرەتىن كولىكتەرگە جانە باسقاعا كوشۋىمىز كەرەك»، – دەيدى ولار.

كليمات وزگەرىسى تۋرالى داۋ نەلىكتەن قىزىپ تۇر؟

– تەننەسسي شتاتىندا مىناداي كونە ناقىل سوز بار: «ەگەر باعانانىڭ توبەسىندە تاسباقا وتىرعانىن كورسەڭىز، ول جەرگە ونىڭ وزى شىقپاعانىنا سەنىمدى بولىڭىز». الپاۋىتتاردان قارجىلاي قولداۋ الىپ وتىرعان ازشىلىق توپ بۇل باعىتتاعى پروگرەستى بەلگىلى بىر ۋاقىتقا كەشەۋىلدەتتى. ولار «ۇلكەن تەمەكى» وقيعاسى كەزىندەگىدەي جالعان كۇدىك تۋىنداتۋ ۇشىن تۋرا سول كەزدەگىدەي ادىستەرىن قولدانا وتىرىپ لوببيلەندىرۋ كۇشىن پايدالاندى جانە نەگىزگى قارسىلاستارىنا دوڭايبات كورسەتتى. بىزدىڭ بارىمىز پسيحولوگتار ايتپاقشى ايلانىڭ قارماۋىنا تۇسۋگە بەيىمبىز: ەگەر الدەبىر نارسە بىز ۇشىن قولايسىز بولسا، ونىمەن اينالىسۋدىڭ ورنىنا، ونى بىر شەتكە يتەرىپ، ىسىرا سالامىز.

بولاشاقتان قانداي ۇمىتىڭىز بار؟

– الەم بويىنشا بۇل ىسپەن اينالىسىپ جاتقان ادامداردىڭ كوپتىگى مەنىڭ ەرەكشە وپتيميستىك كوزقاراسىمدى وياتادى. نارىق كۇشى دە بىزگە جۇمىس ىستەپ تۇر. كۇن، جەل جانە باسقا دا تەحنولوگييالار ارزانداۋدا ارى جەتىلۋدە. كوپتەگەن قالا مەن كومپانييا 100 پايىز جاڭعىرىپ جاڭاشىلدىققا كوشۋگە ۋادە بەرىپ جاتىر. مەن بالامالى رەۆوليۋتسييانى توقتاتۋ مۇمكىن ەمەس دەپ سەنەمىن.

فوتو: كريستوفەر اندەرسون، MAGNUM PHOTOS بۇل سۇحبات قىسقارتىلىپ، ناقتىلىق ۇشىن وڭدەلدى.

       

پىكىر جازۋ