.

شايانتارىزدىلەردىڭ شاعىلىسۋى

پاتريسيا ەدموندس

ومار جۇبى ۇشىن قالىپتى جىنىستىق قاتىناس مىناداي: بىرنەشە كۇن بويىنا انالىق ومار كوڭىلى قالاعان اتالىعىنىڭ ۇياسىنا سۇيىقتىق شاشادى. يىسكە ەلىتكەن اتالىق بولسا ونى ىشكە كىرگىزەدى.

اتالىقتىڭ قورعايتىنىنا كوزى جەتكەندە انالىق قاتتى قابىعىن جانە بۇرىنعى جۇپتاسىنىڭ  ۇرىعى تولى قالتاشانى باپپەن «شەشەدى». تۇلەۋ ونى جالاڭاش قالدىرادى، سوندىقتان اتالىق ونى جارتى ساعاتتاي كۇزەتە تۇرادى. سوسىن وزىنىڭ تىرناقتى اياقتارىنىڭ كومەگىمەن اتالىق ونىڭ ۇستىنە شىعادى…

بىر جۇبى كەتكەن سوڭ اتالىق كەلەسىسىن قارسى الۋعا ازىر. وز كەزەگىندە انالىق ۇرىق قاپشىعىن مىڭداعان جۇمىرتقا سالۋعا پايدالانىپ، جارىپ شىققانعا دەيىن شامامەن بىر جىلداي جامباسىندا تاسىپ جۇرەدى.

«الايدا كليمات وزگەرىسى بۇل «بالا جاساۋ» ۇردىسىنە زييانىن تيگىزىپ جاتىر»، – دەيدى ومار قورعاۋ ۇيىمىنىڭ نەگىزىن سالۋشى ديانا كوۋەن.

«سۋ 4 نە 5° س-دەن جوعارىلاعاندا ومارلار وزدەرىنىڭ كۇشىن وسۋگە جۇمسايدى، سۋىقتا، ياعني قىستاعى سۋ تەمپەراتۋراسى -1 مەن 4°س ارالىعىندا بولعاندا، ولار قۋاتىن جۇمىرتقا مەن ۇرىق شىعارۋعا جىبەرەدى، – دەيدى كوۋەن، – ەگەر كليمات وزگەرىسى اتالعان سۋىق مەرزىمدى قىسقارتاتىن بولسا، ولار ازىراق جىنىس جاسۋشالارىن وندىرەدى. ال ەگەر سۋ ۇدايى تىم جىلى بولسا، ولار جىنىس جاسۋشالارىن مۇلدە شىعارمايدى. جۇمىرتقا جوق. ۇرىق جوق. ومارلار دا جوق».


امەريكا ومارى

مەكەندەۋ ايماعى: سولتۇستىك كانادادان اقش-تىڭ وڭتۇستىك-شىعىس جاعالاۋىنداعى اتلانت مۇحيتى.

قورعالۋ مارتەبەسى: بۇگىندە تقحۇ (تابيعاتتى قورعاۋ حالىقارالىق ۇيىمى) تاراپىنان جويىلۋ قاۋپى از دەپ سانالادى.

باسقا دەرەكتەر: تاماق رەتىندە ساتىلاتىن امەريكا ومارلارىنىڭ سالماعى ورتاشا ەسەپپەن جارتى كەلىدەي، ۇستالعانداردىڭ ىشىندەگى ەڭ ىرىسى 20 كەلىدەن اۋىر تارتقان.

فوتو:دجەرري مونكمان، MYN/تابيعات سۋرەتتەرى كىتاپحاناسى

       

پىكىر جازۋ