.

ەس-اقىلدىڭ ەسەندىگى ۇشىن

1960 جج. رورشاح سىناعى كوپ تالقىلاندى. «ادامدار تۇسىنە بەرمەيدى. ماسەلە نە كورىپ تۇرعانىڭىزدا ەمەس، قالاي كورىپ تۇرعانىڭىز­دا»، – دەيدى سيلس.

نينا ستروچليك

1917 جىلى شۆەيتساريياداعى شاعىن قالالاردىڭ بىرىندە پسيحياتر حەرمانن رورشاح ميدىڭ قالاي جۇمىس ىستەيتىنىن انىقتاۋ ۇشىن اق قاعازعا بوياۋ شاشىپ، ادامداردان نە كورىپ تۇرعانىن سۇرايدى. وسىنىڭ ارقاسىندا ول شيزوفرەنيياعا شالدىققاندار اراسىندا ۇقساستىقتى بايقاعان. سويتىپ، رورشاح اقپاراتتى ۆيزۋالدىق قابىلداۋ ارقىلى پسيحيكالىق ساۋلىقتى انىقتاۋعا بولاتىنى جونىندە تۇجىرىمداما جاسادى.

رورشاحتىڭ تۇپنۇسقا 10 سۋرەتى 1921 جىلى – ونىڭ ولىمىنەن بىر جىل بۇرىن جارييالاندى. چيكاگوعا اكەلىنگەننەن كەيىن ولار بولمىستى انىقتايتىن تەست رەتىندە اقش-قا تەز تارادى. وتكەن عاسىردىڭ ەكىنشى جارتىسىندا فرەيد تالداۋى سەكىلدى ۇردىستەرگە قىزىعۋشىلىق تومەندەگەندە، جوعارىداعى سىناق جالعان عىلىمنىڭ سينونيمىنە اينالدى. سىنشىلار ونى قولدانۋعا تىيىم سالۋدى كوزدەدى. الايدا 2013 جىلى امەريكا پسيحولوگتار قاۋىمداس­تىعى جارييالاعان ۇلكەن زەرتتەۋدە بۇل بۇرىنعى پسيحولوگييالىق اۋرۋلاردى انىقتايتىن ادىستەرگە قاراعاندا الدەقايدا ناتيجەلى ەكەنى انىقتالدى.

رورشاح كارتالارى مەن ولاردىڭ ناۋقاسقا كورسەتىلۋ رەتى ەشقاشان وزگەرگەن ەمەس. پسيحولوگتار كارتالاردى دياگنوستيكالىق قۇرال رەتىندە ساقتاپ قالۋ ۇشىن كلينيكالىق جاعدايدان تىس ۋاقىتتا كورسەتۋدى قالامايدى.

عىلىمي تارتىستارعا قاراماستان، رورشاح سىناعىنىڭ امەريكا مادەنيە­تىندە وز ورنى بار. سيلستىڭ ايتۋىنشا، ول «XX عاسىرداعى ەڭ كوپ تەكسەرىلگەن سۋرەت بولۋى مۇمكىن».

       

پىكىر جازۋ