.

سەزىم «سىمدارىن» قايتا جالعاۋ

يۆ كونانت

بىر تەمىرقول جانە ونداعان ەلەكترود – بۇلاردىڭ بارى سال اۋرۋىنا شالدىققان جىگىتتىڭ سيپاۋ سەزىمىن قايتا قالپىنا كەلتىرۋگە ارنالعان مۇلدە جاڭا تاجىريبە.

عالىمدار سال بولىپ قالعان نە كەسىلگەن اياق-قولدىڭ سەزىمىن مي ساقتاپ قالاتىنىن جاقسى بىلەدى. «مي بۇرىن اردايىم جاساپ جۇرگەن ارەكەتتى جادىدا ساقتاپ قالاتىن قاسيەتكە يە، – دەيدى بيوينجەنەر روبەرت گاۋنت، – تىپتى جاراقاتتان كەيىن دە». جۋىردا زەرتتەۋشىلەر روبوت اياق-قولداردى مي ارقىلى باسقارۋعا مۇمكىندىك تاپتى.

گاۋنت پەن ونىڭ پيتسبۋرگ ۋنيۆەرسيتەتىندەگى ارىپتەستەرى مۇنىمەن توقتالماق ەمەس. ولار روبوت اياق-قولدى ناۋقاستاردىڭ جاي عانا قۇرال ەمەس، دەنەسىنىڭ بىر بولىگى رەتىندە سەزىنۋى ۇشىن تەر توگۋدە.

جاستىق شاعىندا كولىك اپاتىنىڭ كەسىرىنەن كەۋدەدەن تومەن سال بولىپ قالعان ناتان كوۋپلەند – وسى تاجىريبەگە قاتىسقانداردىڭ بىرى. ونىڭ ميىنا جانە قولدىڭ سەزىمىنە جاۋاپ بەرەتىن سەزىنۋ قىرتىسىنا كىشكەنتاي سەنسورلار ورناتىلدى. كەيىننەن سيگنالدار الۋ ۇشىن روبوت-قول سول سەنسورلارعا جالعاندى.

31 جاستاعى كوۋپلەند كوزى بايلانعان كۇيى روبوت-قولىنىڭ قاي ساۋساعىنا سالماق تۇسكەنىن 84،3 پايىز دالدىكپەن انىقتاي الادى. كوۋپلەند سونداي-اق روبوت-ساۋساقتارىمەن جىلۋدى سەزىنەتىنىن جانە بۇل جاعداي ونى باقىتتى ەتەتىنىن ايتادى.

گاۋنتتىڭ ماقساتى – تەحنولوگييانى دامىتۋ ارقىلى سال اۋرۋى مەن شولاقتىقتىڭ «كەمىستىك» بولماۋىنا قول جەتكىزۋ.


دجون حوپكينستىڭ قولدانبالى فيزيكا زەرتحاناسى وسى جاساندى اياق-قول مودۋلىن جاسادى. ول پيتتسبۋرگتەگى تاجىريبەسىن باسشىلىققا الدى. ەكەۋىندە دە 100-دەن استام سەنسور بار.

فوتو: رەبەككا حەيل، NGM قىزمەتكەرى

       

پىكىر جازۋ