.

تاۋەلسىزدىك – تۇعىرىم

16 جەلتوقسان – اتا-بابالارىمىزدىڭ سان مىڭداعان جىلدار بويى ارمانداعان، سارعايا كۇتكەن تاۋەلسىزدىك كۇنى. جەلتوقساننىڭ ەكپىنىمەن كەلگەن تاۋەلسىزدىكتىڭ بىز ۇشىن ورنى ەرەكشە.

سەبەبى ول كۇن حالقىمىزعا وڭايلىقپەن كەلگەن جوق. بۇل باتىر بابالارىمىزدىڭ ار جىلدا توگىلگەن قانىنىڭ، ۇلى مۇراتتار جولىندا قۇربان بولعان اسىل ازاماتتارىمىزدىڭ ۇلى ارمانى بولعان كۇن.

تاۋەلسىزدىكتى – ۇلتتىق تىلدىڭ، داستۇردىڭ، سالت-سانانىڭ مىزعىماس تىرەگى، كۇشى، التىن دىڭگەگى، حالىقتىڭ باق جۇلدىزى دەسەك تە بولاتىنداي. جەر بەتىندە قانشا ۇلت بولسا، سونشا ارمان بار. سول ارمانعا بىزدىڭ قازاق حالقى جەتتى.

بۇگىنگى تالاي ۇلت پەن ۇلىستىڭ بەرەكەلى مەكەنىنە اينالعان ۇلى دالادا ازات ەلدىڭ ازاماتى اتانعاننان اسقان باقىت جوق. تاۋەلسىزدىكتىڭ تال بەسىگىندە تەربەلىپ، قىران قۇسى قالىقتاعان كوك اسپانىمىزدىڭ استىندا باياندى دا باقىتتى عۇمىر كەشۋىمىز وسى – تاۋەلسىزدىكتىڭ جەمىسى.

فوتو: پاۆەل ميحەەۆ

       

پىكىر جازۋ