.

اتى زاتىنا قالقان

كەترين تسۋكەرمان

2008 جىلى مالايزييادا تابىلعان قىز­عىلت-سارى تۇگى بار، ۇستىندەگى «ويۋى» ادەمى ورمەكشىگە Heteropoda davidbowie دەگەن ەسىم بەرىلدى. 2010 جىلى كيت قالدىعى Leviathan melvillei دەپ اتالعاننان كەيىن بۇل كوپشىلىكتىڭ نازارىن وزىنە اۋدارعان بولاتىن. سيرەك كەزدەسەتىن اۋسترالييالىق سونا – Scaptia beyonceae، ەكۆادورداعى اعاش قۇرباقاسى Hyloscirtus princecharlesi دەپ اتالا باستادى.

عالىمدار XXI عاسىردىڭ ورتاسىنان باستاپ ماقۇلىق تۇرلەرىنە رەسمي تۇردە ات بەرىپ كەلەدى. مۇنى شۆەد بيولوگى كارل ليننەي باستاعان بولاتىن.

بۇگىندە جانۋار تۇرلەرىنە اتاۋ بەرۋدە وسى سالاداعى جاۋاپتى مەكەمە زوولوگييالىق اتاۋ جونىندەگى حالىق­ارالىق كوميسسييا بەلگىلەگەن نۇسقاۋ­لىق باسشىلىققا الىنادى. جاڭا جانۋار تۇرىن تاپقان ادام وعان ەسىم بەرۋگە قۇقىلى جانە كەيبىرى تانىمال تۇلعالاردىڭ اتىن بەرەدى.

اتاقتى ەسىمدەردى قولدانۋدىڭ پايداسى سول، بۇل جويىلۋ قاۋپى تونگەن تۇقىمداستار مەن ولاردىڭ ومىر سۇرۋ مەكەنىنە كوپشىلىكتىڭ نازارىن اۋدارتۋى مۇمكىن. اتاۋ بەرۋ، سونداي-اق جاعىمپازدىقتىڭ عىلىمي تاسىلى بولۋى دا ىقتيمال. نەمىس ارانولوگى پيتەر دجەگەر وزىنىڭ H.davidbowie ورمەكشىسىنە ەسىم قويۋدا ەكى ماقساتتى دا كوزدەگەنىن ايتادى. «البەتتە، مەن انشى-كومپوزيتوردىڭ ەڭ ۇلكەن جانكۇيەرىمىن»، – دەيدى ول.

وداعاي ورمەكشى

Heteropoda davidbowie دەپ اتالاتىن بۇل ورمەكشى وڭتۇستىك-شىعىس ازييادان شىققان. 2008 جىلى تاپقان قىزعىلت-سارى تۇستى تۇگى بار جاندىگىنە عالىم بوۋي مەن ونىڭ جيرەن شاشتى پەرسوناجى زيگگي ستارداستتىڭ ەسىمىن بەردى.

       

پىكىر جازۋ