.

«بوكو حارامعا» قارسى قادام

جۇمىسشىلار «باببون گونا» كومەگىمەن وسىرىلگەن قىزاناقتاردى جيناپ جاتىر. نيگەرييا حالقىنىڭ باسىم بولىگى 24 جاسقا تولماعان، بىراق ورتاشا شارۋا جاسى ەلۋدەن اسقان. ۇيىمنىڭ ىرگەسىن قالاۋشى كولا ماشا باعدارلاما اياسىندا 2025 جىلعا قاراي بىر ميلليون شاعىن فەرمەردىڭ باسىن بىرىكتىرىپ، جۇمىسسىز جاستار سانىن ازايتۋدى ارماندايدى.

نينا ستروچليك

افريكانىڭ حالقى ەڭ تىعىز ورنالاسقان ەلى وز-وزىن اسىراي الماي وتىر. 35 ميلليون گا ەگىستىك جەرى بولا تۇرا، نيگەرييا ۇلكەن مولشەردە يمپورت­تا­لاتىن ازىق-تۇلىككە تاۋەلدى. ال بۇل كەزدە جاستار اراسىنداعى جۇمىسسىزدىق 25 پايىز دەڭگەيىندە. «بوكو حارام» تارىزدەس ەكسترەميستىك توپتار وز قاتارلارىن وسى جۇمىسسىز جاستار ەسەبىنەن تولىقتىرادى.

جاستاردى قولدارىنا قارۋ ورنىنا كەتپەن الۋعا شاقىرۋ وسى ماسەلەلەردى شەشۋگە ىقپال ەتە الا ما؟ «جەل وتتى قالاي مازداتسا، جۇمىسسىزدىق تا جاستاردى سونداي سەكتالارعا يتەرمەلەيدى، – دەيدى نيگەرييالىق كاسىپكەر كولا ماشا، – اشۋلى ادامدار ۇشىن قارۋلى جاساق قۇرۋ نەلىكتەن وڭاي شارۋاعا اينالدى؟ ويتكەنى جاستاردىڭ ەكونوميكالىق مۇمكىندىكتەرى شەكتەۋلى».

ماشا «ۇلكەن فەرما» دەپ اۋدارىلاتىن «باببان گونا» قوجالىعىن باسقارادى. بۇل – ونىمدەرىن كوبەيتىپ، نارىقتاعى شاعىن كاسىپكەرلىكتى دامىتۋدى كوزدەيتىن ۇيىم. «اۋىل» شارۋاشىلىعىنا سالىناتىن ينۆەستيتسييا – شەتەلدىك كومەكتىڭ ەڭ تيىمدى تۇرى، ال جاردەمنىڭ باسقا تۇرى تايتالاستى ورشىتۋى مۇمكىن»، – دەيدى ەدۆين پرايس. ول تەحاس ۋنيۆەرسيتەتى جانىنداعى شيەلەنىس پەن دامۋ ورتالىعىنىڭ ديرەكتورى.

افريكا دامۋ بانكى الداعى بەس جىل ىشىندە شامامەن 30 ەلدىڭ جاستارىنا ارناپ اۋىل شارۋاشىلىعى سالاسىندا 1،5 ملن جۇمىس ورنىن اشۋدى كوزدەيدى.

فوتو: دجەيسون ەندريۋ

       

پىكىر جازۋ