.

«قۋىعى وسال» پاريج

دارەت سىندىرۋعا ارنالعان قوعامدىق قوراپشالار پاريجدى عاسىرلارعا سوزىلعان «سىرقاتتان» قۇتقارۋى مۇمكىن.

تىل ۇيىرەر تاعامدارى، كەلىستى سان-سالتاناتىمەن قاتار پاريجدىڭ اسا بىر جاعىمسىز جاعى بارىن بىلەسىز بە؟ «ماحاببات قالاسى» اتانعان شاھار ساسىق يىستەرمەن (les pipis sauvages)، ياعني جابايى تۇردە دارەت سىندىرۋ پروبلەماسىمەن ناپولەون زامانىنان بەرى كۇرەسىپ كەلەدى. قانشا جەردەن تىيىم سالىنسا دا كوشەگە، گۇل توعاندارى مەن شام باعاندارىنا سارىلداتقان زار اعىنى تولاستاماي كەلەدى.

ەندى نە ىستەۋ كەرەك؟ بالكىم، بۇل ىستەن پايدا دا تابۋعا بولاتىن شىعار؟ جىل باسىندا قالا بيلىگى «فالتازي» فرانتسۋزدىق جوبالاۋ اگەنتتىگىمەن بىرلەسىپ جاڭا يدەيا ويلاپ تاپتى: كىشى دارەتكە تىم جيى «شومىلاتىن» جەرلەرگە قوعامدىق قوراپشالار، ياكي زار قابىلداعىشتار ورناتۋ. «ۋريتروتتوير» ساسىق يىستى سىڭىرەتىن سابانمەن نەمەسە جوڭقامەن تولتىرىلادى. قۇرىلعى تولعاندا تەحنيكالىق جۇمىسشىلارعا بەلگى بەرەدى. سويتىپ، ول كەرەكتى جەرگە جەتكىزىلىپ، تىڭايت­قىشقا اينالدىرىلادى دا اۋىل شارۋاشىلىعىنا جىبەرىلەدى. «بىراق تەك گۇل ۇشىن عانا، – دەيدى جوبانىڭ تەلاۆتورى لورەنت لەبوت، – جەمىس-جيدەك نە وسىمدىك ۇشىن پايدالانىلمايدى».

«فالتازي» اگەنتتىگى پاريجدەگى Gare de Lyon ۆوكزالى مەن فرانتسييا­نىڭ باسقا ەكى قالاسىندا وسى جوبانى سىناقتان وتكىزۋدە. ولار وسىلايشا بىرنەشە ماسەلەنىڭ شەشىمىن تابۋدان ۇمىتتى. بۇل ەر ادامدار ۇشىن تيىمدىرەك، ال ايەلدەر قايتپەك؟

قۇرىلعىنىڭ باعاسى شامامەن 5000 دوللاردان باستالادى. وعان كۇتىم كورسەتۋ شىعىندارىن قوسىڭىز. ايتەۋىر، پاريج كوشەلەرى زار ساسىماي، جۇپار اڭقىپ تۇرسا بولدى… كىم بىلسىن…

اۆتورى: دانيەل ستوۋن، فوتو: فالتازي

       

پىكىر جازۋ