.

قاۋىپ تونگەن كاسىپتەر

رادجەشۆار حالدەر، ماقتا كامپيتىن ساتۋشى، باتىس بانگلادەشتە ونى «بيۋرير-شۋل-ۆاللا» دەپ تە اتايدى. ونىڭ اپتالىق تابىسى 15 اقش دوللارى شاماسىندا.

جىلان ارباۋشى. توقىماشى. سىپىرت­قى جاساۋشى. ۇندىستانداعى داستۇرلى كاسىپ تۇرلەرى حوش يىستەر مەن قانىق تۇستەرگە تولى ەلدىڭ وزىندەي ارقيلى جانە وزگەشە. مۇنداي كاسىپ الۋاندىعىن فوتوگراف سۋپراناۆ داش «جوعالىپ جاتقان ماماندىقتار» (Marginal Trades) دەپ اتالاتىن سۋرەتتەر سەرييا­سىندا پاش ەتەدى. ول كەيىپكەرلەرىن باتىس بەنگال جانە ۋتتار پرادەش شتاتتارىندا جۇمىس ۇستىندە تۇسىرگەن.

داشتىڭ سۋرەتتەرىندەگى – مامپاسي جاساۋ، سونداي-اق سيىر قيىنان وتىن الۋ كاسىپتەرى جويىلىپ بارادى. ۇزاق ۋاقىتتان بەرى ۇندىستانداعى كاستالىق جۇيە كوپ ادامعا بەلگىلى بىر ماماندىقتى مەنشىكتەپ بەرگەن ەدى. بىراق قازىر قوعامدا كاستالىق ديسكريميناتسيياعا تىيىم سالىنعان. داش كوپتەگەن جاستىڭ كاستا سالعان شەكتەۋلەردى ەلەمەيتىنىن بايقاپ جۇر. «ولار بۇعان نازار اۋدارمايتىنداي كورىنەدى»، – دەيدى كالكۋتتادا وسكەن داش.

كاسىپتەرى اقساي باستاعان جۇمىسشىلار، اسىرەسە قولونەرشىلەر، ەكونوميكالىق جانە مادەني كۇشتەردىڭ ىقپالىندا. «قولونەر مەن داستۇرلى كاسىپ يەلەرى ۇشىن باستى قاۋىپ – تەحنولوگييا»، – دەيدى ۇندى ەكونوميسى شييام سۋندار. بىر كەزدەرى قولدان جاسالاتىن توستاعاندار قازىر وندىرىستە اۆتوماتتاندىرىلعان. زەرگەرلەر فابريكالارعا باسەكەلەس بولا المايدى.

«قولونەرشىلەر اتا كاسىپتىڭ بالالارى جالعاستىرماي، وزدەرىمەن بىرگە ولەتىنىنە قىنجىلادى»، – دەيدى ول.

اۆتورى: دانيەل ستوۋن، فوتو: سۋپراناۆ داش


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ