.

اۋىر سىن تۇسكەن قاۋىرسىن

بۇل كوليبريدى، بالكىم، ايىرساداقپەن اتىپ العان دا شىعار، ول ەندى ماحابباتتىڭ بويتۇمارى رەتىندە بازاردا تۇر.

«ەگەر قۇسقا قانداي دا بىر زالالىن تيگىزەر بولسا، ول كۇللى تۇمسا تابيعاتقا جاسالعان قىلمىس دەپ ەسەپتەيمىن». تەرگەۋشى-ورنيتولوگ پەپپەر ترايلدىڭ (جوعارىدا، ورەگون شتاتىنداعى اشلاند زەرتحاناسىندا) كوزقاراسى وسىنداي. اقش-تا بۇل پىكىردەگى ەكى ادام بولسا، ول – سونىڭ بىرى.

ترايلدىڭ جۇمىسى وتە قيىن. ول تابيعات قورعاۋ سالاسىندا قۇزىرەتتى ورگاندار جىبەرگەن ولەكسەدەن سىناما الادى. سودان كەيىن وعان ساراپتاما جۇرگىزەدى. كەيدە ول قۇستى بىردەن تاني الماسا، قاۋىرسىننىڭ سىناماسى مەن كولەمىنەن باستاپ، وعان ۇزاق ۋاقىت زەرتتەۋ جۇرگىزەدى. قۇستىڭ دەرەگى انىقتالعان ساتتە ترايلدىڭ جۇمىسى دا تامام. ول اقش بالىق جانە جابايى جانۋارلاردى قورعاۋ قىزمەتىنىڭ وكىلدەرى سيياقتى قاجەت جاعدايدا دنق ساراپتاماسىن الىپ، ولىم سەبەبىن انىقتاۋ ۇشىن قوسىمشا زەرتتەۋ جۇرگىزەدى.

ادەتتە قۇستارعا وق تيەدى نەمەسە تۇزاققا تۇسەدى. بىرقاتارى جاسىرىن ساۋدا بارىسىندا وپات بولادى. ەندى بىرىنىڭ ولەكسەسى اكسەسسۋار مەن تۇمارعا اينالىپ كەتەدى. مىسالى، كەپتىرىلگەن كوليبري مەكسيكادا ماحاببات بويتۇمارى رەتىندە (chuparosas) ساتىلاتىنىن ترايل كوپتەن بايقاپ جۇر.

ول جىلىنا شامامەن 100 قۇسقا قاتىستى قىلمىستىق ىستى تەرگەيدى جانە ولار وبەكتيۆتى بولۋى قاجەت، الايدا اراسىندا ەموتسيياعا ەرىك بەرەتىن كەزدەرى دە بولىپ تۇرادى. «قۇستىڭ ولگەنىن بىلۋ قانداي قيىن، – دەيدى ول، – الايدا بۇل ماسەلەگە جۇرت نازارىن اۋدارتا السام، باقىتتى بولعانىم».

اۆتورى: كەترين تسۋكەرمان، فوتو: توم فوۋلكس


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ