.

سانيتار شىمشىق

سارىباۋىر شىمشىق (لات. Parus major)  – ۇلكەندىگى كادىگىمگى تورعايداي، شىمشىق تۇقىمداسىنا جاتاتىن ۇساق قۇس. قۇستىڭ بۇل تۇرى ەۋروپانىڭ كەز كەلگەن جەرىن، ال تاياۋ شىعىس، افريكا، ورتالىق جانە سولتۇستىك ازييادا ىشىنارا مەكەندەيدى. قازاقستاندا سارىباۋىر شىمشىق ورتالىق قازاقستاننان باسقا وڭىرلەردىڭ بارلىعىندا كەزدەسەدى.

ارقاسىنداعى كوكشىل، كوكىرەگىندەگى قارا جانە سارى تۇسى ونى الىستان تانۋعا مۇمكىندىك بەرەدى. بۇل ناۋرىز ايىنىڭ باسىندا كوكتەم مەن جىلى كۇندەردىڭ جاقىنداپ كەلە جاتقانىن بىلدىرەتىن جارشى تارىزدى، قىسقا ۇنمەن سىڭعىرلاي سايرايتىن قۇستاردىڭ بىرى.

سارىباۋىر شىمشىقتار باسقا قۇستارعا قاراعاندا اسا وسىمتال بولىپ كەلەدى. ول وتە ەرتە ۇيالاپ، 12-گە دەيىن جۇمىرتقا سالسا، ال جۇمىرتقانى جارىپ شىققان بالاپاندارى ۇش اپتادان كەيىن ۇيادان ۇشىپ شىعادى.

سارىباۋىر شىمشىق كوبىنە ارالاس ورمانداردا، باقتار مەن ادام قونىستانعان جەرلەردە مەكەندەيدى. كۇزدە جانە قىستا ولار شاعىن توپ بولىپ تىرشىلىك ەتەدى. ولار بۇتاقتان بۇتاق سەكىرىپ جۇرىپ، اعاشتاعى زييانكەستەرمەن قورەكتەنەدى.

فوتو: ەربولات شادراحوۆ

ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ