.

كوفە ىشسەڭ، كوڭىلىڭ شات

سوڭعى زەرتتەۋلەر كۇنىنە بىرنەشە ساپتىاياق كوفە ىشكەن كىسىنىڭ عۇمىرى ۇزاعىراق بولاتىنىن دالەلدەدى.

كوفەقۇمارلار، قۋانا بەرىڭىزدەر! سوڭعى زەرتتەۋلەر بويىنشا، قۇرامىندا كوفەين بولسىن-بولماسىن كۇنىنە ەكى نەمەسە ۇش ساپتىاياق كوفە ىشەتىندەردىڭ ونى ىشپەيتىندەرگە قاراعاندا سوزىلمالى اۋرۋلارعا سيرەك شالدىعاتىنى انىقتالدى.

بۇل – ەۋروپانىڭ 10 ەلىندە 500 مىڭ ادامنىڭ قاتىسۋىمەن 16 جىل بويى جۇرگىزىلگەن زەرتتەۋدىڭ ناتيجەسى. «كوفەنى جيى ىشەتىندەردىڭ باۋىرى مەن جۇرەك-قان تامىرلارى الدەقايدا تازاراق ارى اعزاداعى قابىنۋ بەلگىلەرى سيرەك كەزدەسەدى، – دەيدى زەرتتەۋشى مارك گيۋنتەر. – اتالمىش سۋسىن اس قورىتۋ جۇيەسى اۋرۋلارىمەن قوسا، وزگە دە سەبەپتەردەن قايتىس بولۋ قاۋپىن تومەندەتەدى».

مارك گيۋنتەر فرانتسيياداعى قاتەرلى ىسىكتى زەرتتەۋ حالىقارالىق اگەنتتىگىنىڭ تاماقتانۋ جانە زات الماسۋ بولىمىن باسقارادى.

بۇعان دەيىن دە عىلىمي ورتادا كوفە ىشۋدىڭ پايداسى اراگىدىك ايتىلىپ قالاتىن، ال گيۋنتەردىڭ مىنا مالىمدەمەسى ايدى اسپانعا بىر-اق شىعارىپ، بۇلتارتپاس دالەلگە اينالدى. ول ەندى سۋسىندى پايدالى ەتىپ تۇرعان نە نارسە ەكەنىن تۇسىنۋ ۇشىن كوفەنىڭ حيمييالىق قۇرامىن ساراپتاپ كورمەك.

ونىڭ قورىتىندىسىنا بۇكىل الەم كوز تىگىپ وتىر دەسەك تە بولادى. ەندى جاپپاي كوفە ىشىپ كەتپەسەك بولعانى.

اۆتورى: كەترين تسۋكەرمان، فوتو: رەبەككا حەيل، NGM قىزمەتكەرى


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ