.

«قۇلاق باسىپ شىعارامىز!»

بيوپرينتەر قۇلاق باسىپ شىعارۋ ۇشىن پوليمەردەن سۇلبا جاساپ، ونى شەمىرشەك جاسۋشالارمەن جاۋىپ جاتىر.

ماشينا سىزگە جاڭا مۇرىن نەمەسە بۇيرەك جاساپ بەرىپ جاتسا، قايتەر ەدىڭىز؟ عالىمدار ادامنىڭ دەنە مۇشەلەرىنىڭ كوشىرمەلەرىن جاساپ شىعارۋ ۇشىن ارنايى 3D پرينتەرلەردى تاجىريبەدەن وتكىزۋگە كىرىستى.

«بيوپرينتەر» اتالاتىن بۇل ماشينالار ادام جاسۋشالارىن «سييا» رەتىندە قولدانادى. ادەتتەگى 3D پرينتەرلەر كولىك بولشەكتەرىن، بولماسا ۇساق-تۇيەك زاتتاردى باسىپ شىعۋ ۇشىن پلاستيكتەردى پايدالانسا، بيوپرينتەردىڭ جاسۋشادان تۇراتىن تالشىقتارى ۇش ولشەمدى تىندەر مەن دەنە مۇشەلەرىن جاسايدى.

قۇلاق باسىپ شىعارۋ ۇشىن پرينتەرگە پوليمەرگە ۇقساس مايدا تەسىكتى، يىلگىش گيدروگەل سۇلدە ورناتىلادى. ۋاقىت وتە كەلە وعان قۇلاق پىشىنىنە اينالا كەتەتىن تەرى جانە شەمىرشەك جاسۋشالارى جابىلادى. ناتيجەسىندە، گيدروگەل بيوىدىراۋعا ۇشىرايدى. ارادا التى اي وتكەننەن كەيىن قۇلاق تولىعىمەن ادام جاسۋشالارىنان قۇرالادى. «بىز ناۋقاستىڭ وز جاسۋشاسىن قولدانامىز، – دەيدى ۋەيك فورەست ۋنيۆەرسيتەتى جانىنداعى رەگەنەراتيۆتى مەديتسينا ينستيتۋتىنىڭ ديرەكتورى انتوني اتالا. – ونداي مۇشە ادام دەنەسىن جاتسىنبايدى».

وز زەرتحانالارىندا ولار قابىرشىق، قان تامىرى جانە وزگە دە دەنە مۇشەلەرىن وسىرىپ بارىپ ناۋقاستاردىڭ اعزاسىنا ورنالاستىرعان. قازىر ولار 3D بيوپرينتەرلەردەن باسىلىپ شىققان دەنە مۇشەلەرىن يمپلانت­تاۋدى جوسپارلاپ وتىر:

– بارلىق مۇشەنى جاساۋعا بولا ما سوندا؟

– يا، تىپتى، ادام جۇرەگىن دە.

– مي تۋرالى نە دەيسىز؟

– ول ەندى – بولاشاقتىڭ ەنشىسىندە.

اۆتورى: ەريكا ەنگەلحاۋپت

       

پىكىر جازۋ