.

قار استىندا قالعان ىز

ناۋرىز ايىنىڭ سۋىعىندا اۋىل تۇرعىندارى مىنا سەكىلدى جارتىلاي جابايى جىلقىلارعا قولدان جەم-شوپ بەرەدى. جازدا ولار وسىلارمەن اڭ تەرىسىن تاسيدى. فوتوگراف وتباسى بۇل بيەگە «كىشكەنتاي» دەپ ات قويىپتى.

جاc زەرتتەۋشى اتا-باباسىنىڭ قيىرداعى مەكەنىنە ساپار شەكتى.

كەيدە شىنايى ومىردە دە تاڭعاجايىپتار بولادى. قالادا وسكەن ەلەنا اناسوۆا بالا كەزىندە قيىندىعى مەن قىزىعى مول، يت تۇمسىعى باتپايتىن نۋ ورمانى بار اۋىل تۋرالى اڭىز-اڭگىمەلەردى جيى ەستيتىن. ەندى، مىنە، جاسى 34-كە كەلگەن سۋرەتشىنىڭ وزى 300 جىلدان استام ۋاقىت بۇرىن اتا-بابالارى قونىس تەپكەن مەكەنگە تابان تىرەدى. ولار اڭ تەرىسى ۇشىن سىبىرگە كوشىپ كەلىپ، وسىندا تۇراقتاپ قالعان ورىس اڭشىلارى بولاتىن. اناسوۆانىڭ اكەسى وسىندا دۇنيەگە كەلگەن جانە وسى جەردى وتانىم دەپ ەسەپتەيتىن.

بۇلان تىلى – مەيرام داستارقانىنىڭ سانى. داشانىڭ اناسى اپ-ساتتە اڭ تەرىسىن سىدىرىپ، ەتىن بۇزىپ، قازانعا سالادى. قولىنا كامپيت ۇستاعان بەس جاسار قىز بۇل كورىنىسكە تامسانا قاراپ تۇر.

تۋنگۋس نەمەسە ەۆەنكي تىلىنەن جالپاق تىلمەن اۋىلدىڭ اتى ارال دەپ اۋدارىلادى. الشاقتىق پەن شەكارانى كورسەتۋ – اناسوۆا زەرتتەۋىنىڭ تۇپكى ماقساتى. بۇل عاجايىپ ارى وقشاۋلانعان ارالعا جول تالعامايتىن كولىكپەن جەتەسىز. ول ۇشىن باتپاقتى سۋباركتيكالىق تايگادا بەلگىلى بىر ۋاقىت قاتىپ جاتاتىن قىسقى جولدى پايدالاناسىز. ەڭ جىلدام كولىك – تىك­ۇشاق. ول اۋىلعا 300 شاقىرىم قاشىقتىقتا ورنالاسقان كيرەنسك قالاسىنان ايىنا ەكى رەت ۇشادى. ەگەر ادام سانى تولىپ كەتسە، تاعى ەكى اپتا سارىلىپ كۇتۋگە تۋرا كەلەدى.

مادونناعا ۇقسايتىن فوتوگرافتىڭ جيەنى ۆالەنتينا كەنجەسىن قۇشاقتاپ تۇر. ون ايلىق ۆارۆارا تۇلكى تەرىسىمەن ويناپ وتىر.

اناسوۆا ارالعا جەتكەندە اتقارىلار جۇمىستىڭ كوپتىگىن بايقادى دا قايتۋعا اسىقپادى. كۇن جىلى كەزدە اڭعا قار كولىكتەرىنسىز-اق اتپەن شىعا بەرۋگە بولادى. قالاعا بارعاندا عانا بولماسا، باسقا كەزدە مۇندا قولما-قول اقشا اسا كوپ قاجەت ەمەس. اۋىلدان كەيىن قالا ومىرى باسقاشا كورىنەدى. «شاھار تىرشىلىگى قيىن، سەبەبى جانىڭ تىنشىمايدى، – دەيدى اناسوۆا. – تىپتى، قاقاعان ايازدىڭ وزىن اڭسايسىڭ».

يتتەر جايلى ورىنعا جايعاسىپ الىپتى. اۋىلدىقتار ار يتتىڭ گەنەولوگييالىق ىزىن باقىلىپ وتىرادى: جاقسى اڭشى بولادى دەگەندەرىنىڭ بولەك تىزىمى بار.

ماۋسىم ايىندا اۋا تەمپەراتۋراسى سال كوتەرىلەدى. اناسوۆا ايفونىنا اۋا رايى دەرەكتەرىن ساقتاپ وتىراتىن. قاڭتار ايىنىڭ بىر تاڭىندا تەمپەراتۋرا -53-تى كورسەتىپ تۇردى.

مۇندا اۋىزسۋدان تارشىلىق بولماسا دا، قارت اڭشى ۆالەريي ار تاڭدى بەتىن قارمەن جۋىپ قارسى الادى. سەبەبى سۋىق كۇش-قۋاتتىڭ قاينارى سانالادى.

اۆتور: يۆ كونانت، فوتو: ەلەنا اناسوۆا


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ