Сәні мен салтанаты жарасқан Дискус — National Geographic Qazaqstan
.

سانى مەن سالتاناتى جاراسقان ديسكۋس

ديسكۋس تسيحليد تۇقىمداسىنا جاتقىزىلادى. تابيعاتتا تەك امازونكانىڭ وزەندەرى مەن كولدەرىندە تىرشىلىك ەتكەنىمەن، قازىرگى تاڭدا اكۆاريۋمداردا جۇزىپ جۇر.  دەنە تۇرقى ديسك تارىزدى دوڭگەلەكشە بولىپ كەلەتىن ديسكۋس بالىعى جولاقتى جانە جولاقسىز بولىپ بولىنسە، ۇزىندىعى 20 سانتيمەترگە دەيىن، ال ولاردىڭ تۇسى ار تۇرلى بولا بەرەدى.

شۆەد عالىمدارى ديسكۋستى حەككەل، تەڭجولاقتى جانە جاسىل-قىزىلتەڭبىل ديسكۋس دەپ ۇش تۇرگە بولىپ قاراستىرۋدى ۇسىنادى.

اكۆاريۋمداعى ەڭ ادەمى بالىقتى ۇستاۋدىڭ ماشاقاتى دا از ەمەس. سەبەبى ونى اسىرايتىن ىدىستىڭ كولەمى ار بالىققا 40 ليتر سۋدان كەلۋى جانە سۋدىڭ 15-20 پايىزى كۇندەلىكتى اۋىستىرىپ وتىرۋ كەرەك. اكۆاريۋمداعى بالىق سانى 7-8-دەن اسپاۋى جانە سۋدىڭ تەمپەراتۋراسى بىر قالىپتا شامامەن +28-30 گرادۋس ارالىعىندا بولعانى ابزال. ايتپەگەن جاعدايدا، بالىقتارىڭىزدىڭ اۋرۋعا شالدىعۋ ىقتيمالدىعى جوعارىلايدى.

فوتو: ەربولات شادراحوۆ

       

پىكىر جازۋ