«Бойшаң» үйлер — National Geographic Qazaqstan
.

«بويشاڭ» ۇيلەر

نيۋ-دجەرسي شتاتى، تەڭىز جاعاسى ساياباعىندا ورنالاسقان مىنا ۇي «بارىن قايتا باستاعان» كورىنەدى: بيىكتەتەلىپ، «جالاڭاش» كەيىپكە ەنگەن.

«ساندي» داۋىلى ۇيلەردى قيراتسا دا، تۇرعىندار ونى قايتا قالپىنا كەلتىرەدى. انىعىندا، قوقايتىپ قويادى.

جەردە تۇرۋى تيىس قاراپايىم ۇيلەر «اۋادا» مۇلدە قىزىق كورىنەدى.

نيۋ-دجەرسي جاعالاۋىندا 2012 جىلى بولعان «ساندي» الاپات داۋىلىنان كەيىن ىرگەتاسىن نىعايتۋ ۇشىن ادامدار باسپانالارىنا ۋاقىتشا تىرەۋىشتەر قويىپ جاتىر. كەيبىرى مۇنىڭ جاڭا قۇرىلىس تالاپتارىنا سايكەس بولىپ، وزدەرىنىڭ تاسقىن قاۋپىنەن ساقتانۋ دەڭگە­يىن ازايتۋ ۇشىن وسىلاي جاساعان بولۋى كەرەك. الايدا باسقالارى ۇشىن، مەنىڭ ويىمشا، بۇل كىندىك قانى تامعان مەكەندى تاستاماۋعا دەگەن شىنايى نيەتتەن تۋىندايدى.

25 جىل بويى مەن وتباسىممەن دجەرسي جاعالاۋىنا دەمالىسقا كەلىپ جۇردىم. جاعاجاي قىزمەتى 205 شاقىرىمداي جاعالاۋ بەلدەۋىن قورشاۋعا العان. 2013 جىلى بيىككە كوتەرىلىپ سالىنا باستاعان ۇيلەردى سۋرەتكە تۇسىرە باستادىم. ادەتتە، بىز ۇيدى تۇراقتى نارسە دەپ ويلاۋعا ۇيرەنىپ قالعانبىز، دەگەنمەن وزدەرىڭىز كورىپ تۇرعانداي، ونىڭ استىن قازۋعا، جوعارى كوتەرۋگە، ورنىن اۋىستىرۋعا، «سىلكىلەۋگە» دە بولادى.

كەيبىر ۇيلەر «ساندي» داۋىلىنان قاتتى زارداپ شەككەن. ۇيلەردى بيىكتەتۋ ۇشىن جوندەۋدەن بولەك 150 000 اقش دوللارى قاجەت. تەك وسىلايشا عانا تۇرعىندار ۇيلەرىن كەزەكتى اپاتتان امان ساقتاپ قالا الادى.

نيۋ-دجەرسيدەگى «ساندي» داۋىلىنان كەيىن تۇرعىزىلعان ۇيلەر. ساعات تىلىمەن سول جاق جوعارىدان: بريك قالاشىعىنداعى ۇيدىڭ استىنا تىرەۋ قويىلعان; مىنا گاراجدىڭ ەسىگى اشىق; تومس ريۆەردەگى ميززەن داڭعىلىنداعى اعاشتار الى دە – كلاسسيكالىق ۇلگىدە قىرقىلعان; لاۆالەتتەدەگى كينگفيشەر جولى مەن ورتالىق داڭعىلدىڭ قيىلىسىنداعى ۇيلەر بىرشاما بيىكتە تۇر.


وسى فوتوجوبا بويىنشا جۇمىس ىستەپ جۇرگەنىمدە «بىز وسى نە ىستەپ جۇرمىز» دەگەن وي مازا بەرمەدى. عالىمداردىڭ بولاشاقتا كليماتتىڭ وزگەرۋى تەڭىز دەڭگەيىنىڭ كوتەرىلىپ كەتۋى مۇمكىن ەكەنىن ەسكەرتۋىنە قاراماستان، بىز قيراعان ۇيلەردى قايتا قالپىنا كەلتىرۋگە تىرىسامىز.

نيۋ-دجەرسي، يۋنيون جاعاجايى، پاين كوشەسى، تەرەزەدەن گۇلدەر كورىنەدى. ولار پلاستيك بولۋى دا مۇمكىن. دەگەنمەن بۇل ۇيدىڭ يەلەرى الى دە كۇدەرىن ۇزبەگەن سەكىلدى.

اۆتورى جانە فوتو تۇسىرگەن يرا ۆاگنەر


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ