Жасанды қанат — National Geographic Qazaqstan
.

جاساندى قانات

Festo كومپانيياسى وندىرگەن SmartBird ورنيتوپتەرى وتە جاقسى ۇشادى، ويتكەنى ول ناعىز قۇستار سەكىلدى «قاناتتارىن» قاققان سايىن بۇگە الادى.

قاشىقتىقتان باسقارىلاتىن دروندار مەملەكەتتىك ورگاندار، عالىمدار مەن كينەماتوگروفتار – جالپى الەمگە قۇس كوزىمەن قاراعىسى كەلگەندەر ۇشىن اسا باعالى قۇرالعا اينالدى.

اينالما قاناتتى «ورنيتوپتەر» دەپ اتالاتىن بۇل قۇرالدىڭ ەكى ارتىقشىلىعى بار. مىنا فوتوداعى قۇرىلعى SmartBird دەپ اتالادى، ونىڭ «قاناتتارىنىڭ» قۇلاشى – ەكى مەترگە دەيىن جەتەدى جانە ول بوز شاعالا ۇلگىسىندە جاسالعان. ول اسپاندا دىبىسسىز ارى شيراق قيمىلدايدى. تار قۋىستى جەرلەردى دە تۇسىرە الادى.

درون جاساۋشىلاردىڭ ايتۋىنشا، ونىڭ ارتىقشىلىعى سول، بۇل قۇرىلعىلار قاۋىرسىندارى بىرىنىڭ ۇستىن بىرى جاۋىپ، قاناتتارىنىڭ كولەمىن وزگەرتە الاتىن قۇستارعا ۇقساس جاسالعان. ماسەلەن، يتەلگى-لاشىن وسى ادىسپەن ساعاتىنا 350 شاقىرىم جىلدامدىقپەن اۋەدەن تومەن قۇلديلاي الادى. «بۇلاي ىستەي الاتىن اۋە روبوتىن بىلمەيمىن»، – دەيدى بيولوگييالىق ۇشۋدى زەرتتەۋشى ستەندفورد ۋنيۆەرسيتەتىنىڭ ينجەنەر-مەحانيگى دەيۆيد لەنتينك.

اۆتورى: برەندان بورەلل، فوتو: ماكس پينكەرس


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ