Ұлытауда өткен «Көкмайса» — National Geographic Qazaqstan
.

ۇلىتاۋدا وتكەن «كوكمايسا»

قاراعاندى وبلىسى ۇلىتاۋ اۋدانىندا قازاقتىڭ اتاكاسىبى – مال شارۋاشىلىعى مەن قولونەر شەبەرلەرىنىڭ جۇمىسىن ناسيحاتتاۋعا ارنالعان «كوكمايسا» ەتنوفەستيۆالى وتتى.

«بيىلعى فەستيۆال بۇعان دەيىن ۇيىمداستىرىلعان «بيە بايلاۋ»، «ايعىر قوسۋ»، «قىمىزمۇرىندىق» سيياقتى ۇلتتىق داستۇرلەرىن دارىپ­تەيتىن «تەرىساققان كوكتەمى» ەتنو­فەس­تيۆالىنىڭ بىر بولىگى ىسپەتتى، – دەيدى ۇلىتاۋ اۋدانى اكىمىنىڭ ورىنباسارى باعدات بايجان­تاەۆ، – بۇل شارا وسى وڭىردىڭ تۋريستىك الەۋەتىن ارتتىرۋعا باعىتتالعان».

فەستيۆال كۇندەرى كەنەنباي توعانى ماڭىندا بىرنەشە ونداعان كيىز ۇي تىگىلىپ، جارمەڭكە ۇيىمداستىرىلسا، بازارشىلاعان حالىق ساۋدا-ساتتىقتىڭ كوركىن قىزدىردى. سىرتتان كەلگەن قوناقتاردىڭ بىرى التىباقان تەۋىپ، اتقا مىنىپ، سەرۋەندەسە، قالعاندارى قايىققا وتىرىپ، توعاننىڭ اسەمدىگىن تامسانا ارالادى.

كەلگەن قوناقتار فەستيۆالدىڭ ەكىنشى كۇنى ۇلىتاۋ ماڭىن جاياۋ ارالاپ وتىپ، ەدىگە تاۋىن باعىندىردى.

فەستيۆال اياسىندا تاعام تۇرلەرىن جاساۋدان سايىستار، اعاش وڭدەۋ جانە بىلعارىدان جاسالاتىن بۇيىمدار جاساۋدان تالىمگەرلىك ساباقتارى، داستۇرلى انشىلەر مەن بيشىلەردىڭ قاتىسۋىمەن بايقاۋلار ۇيىم­داستىرىلدى. مەرەكەلىك شاراعا كەلگەن قوناقتار اراسىندا ۇلتتىق ويىندار مەن سپورتتىق سايىستارعا دا قاتىسقاندارى از بولعان جوق.

مەركەلىك شارانىڭ جوعارعى دەڭگەيدە وتۋىنە ۇلىتاۋ اۋداندىق اكىمدىگى، «ۇلىتاۋ» مۇراجاي-قورىعى، «Nomad Explorer» كومانداسى مەن «ASTEL» كومپانيياسى اتسالىستى.

ەتنوفەستيۆال بارىسىندا قازاقتىڭ سالت-داستۇرى ەشكىمدى تامساندىرماي قويمادى.

فوتو: ەربولات شادراحوۆ

       

پىكىر جازۋ