Көкке ұмтылған – көк күмбез — National Geographic Qazaqstan
.

كوككە ۇمتىلعان – كوك كۇمبەز

جوشى حان كەسەنەسى – قازاق جەرىندەگى كونە ارحيتەكتۋرالىق ەسكەرتكىشتەر قاتارىنا جاتقىزىلادى. ول جەزقازعان قالاسىنان سولتۇستىك-شىعىسقا قاراي 50 شاقىرىم جەردەگى قاراكەڭگىر وزەنى بويىندا ورنالاسقان.

ارحەولوگتار كۇمبەزدە ساقتالعان تاڭبالارعا قاراپ ول نىساندى سالۋعا وز زامانىندا جوشىعا باعىنعان رۋ-تايپالاردىڭ بارى قاتىسقان دەگەن قورىتىندىعا كەلگەن. ولاردىڭ بولجامىنشا، بۇل كۇمبەزدىڭ نەگىزگى قاڭقاسى جوشى حان قايتىس بولعاننان كەيىن، ارادا بىر جىل وتكەندە، ياكي 1228 جىلى تۇرعىزىلعان.

كەسەنە كۇيدىرىلگەن كىرپىش جانە عانىش سەكىلدى مينەرالدى تاستاردان سالىنسا، ال اۋماعى 9،55ح7،25 مەترگە تەڭ. جوشى حان كەسەنەسى قازاق دالاسىنا يسلام دىنى جايىلا باستاعان العاشقى جىلداردىڭ كورىنىسىن كوز الدىڭىزعا اكەلەدى. كىرە بەرىسىن قۇبىلاعا قاراتىپ، تورت بۇرىشتاپ، توبەسىنە كۇمبەز ورناتقان. كۇمبەزىنىڭ ايشىعى قۇمىرا ۇقساتىپ سالىنعان.

نە بارى 40 جاسىندا قامال بۇزىپ، قىپشاق دالاسىن ۋىسىندا ۇستاعان جوشى جايلى اڭىز كوپ. بىر اڭىزدا، حان وز ولىمىن وسى جەردەن تابادى، اڭ اۋلاپ جۇرگەن كەزدە وزى جارالاعان اقساق قۇلان ونىڭ قولىن شايناپ تاستادى دەلىنسە، ەكىنشىسىندە باعىنباعانى ۇشىن حان وز اكەسىنىڭ بۇيرىعىمەن ولتىرىلدى دەگەن دە بولجام بار.

1982 جىلى ەسكەرتكىش رەسپۋبليكالىق ماڭىزى بار تاريحي جانە مادەنيەت ەسكەرتكىشتەر تىزىمىنە ەنگىزىلسە، 2000 جىلى كەسەنەنى قايتا قالپىنا كەلتىرۋ جۇمىستارى جۇرگىزىلدى.

فوتو: ەربولات شادراحوۆ


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ