Аман болсын аналар! — National Geographic Qazaqstan
.

امان بولسىن انالار!

بوياۋ قۇرىلىمدىق وزگەرىستى كورسەتەدى، تىشقان جولداسىنىڭ بولشەكتەرى انا ۇشىن قيىن جاعداي بولىپ تابىلاتىن پرەەكلامپسييانىڭ سىرىن اشادى.

جۇكتىلىك نەمەسە بوسانۋ كەزىندە كۇن سايىن جۇزدەگەن ايەل كوز جۇمادى. بۇل كورسەتكىش دۇنيەجۇزىلىك دەنساۋلىق ساقتاۋ ۇيىمىنىڭ پىكىرىنشە، تىم جوعارى جانە ول – بارلىق مەملەكەتكە ورتاق پروبلەما. اقش-تا دا سوڭعى جيىرما جىلدا جۇكتىلىككە قاتىستى ولىم سانى كۇرت وسە تۇسكەن.

«نەگىزگى سەبەپ – جۇرەك-قان تامىرلارى اۋرۋلارىنىڭ اسقىنۋى. بىراق قان قىسىمى، اياق-قولدىڭ ىسىنۋى، اقۋىزدىڭ كوتەرىلۋى تارىزدەس سيمپتومدارى بار پرەەكلامپسييا اۋرۋلارىن ەمدەۋگە بولادى. سوعان قاراماستان الەمدە جىل سايىن مىڭداعان انا كوز جۇمۋدا»، – دەيدى مارييا حانشايىم اتىنداعى لوندون ۋنيۆەرسيتەتىنىڭ يممۋنولوگى سوچيتا نادكارني. ونىڭ ماقساتى – تەك ەكىنشى نە ۇشىنشى ساتىسىندا بىلىنەتىن بۇل سىرقاتتىڭ بەلگىلەرىن ودان دا ەرتەرەك انىقتاۋ.

سىرقاتتى ەرتە انىقتاۋ ماقساتىندا، نادكارني سابيدىڭ جولداسىن (پلاتسەنتا) زەرتتەدى. بۇل اعزا سۇتقورەكتىنىڭ قۇرساعىندا ۇرىقتى قورەكتەندىرەدى، بىراق تەك يممۋندىق جۇيە جۇمىس ىستەگەندە عانا مىندەتىن تولىق اتقارادى. نادكارني تىشقان اعزاسىنداعى وسى جۇيەنى وزگەرتكەندە ونىڭ كۇرەتامىرلارى (سۋرەتتە 1-دەن 5-كە دەيىن) سوعۋىنان جاڭىلعان 6-9.

«جۇكتىلىك – تاڭعاجايىپ ارى كەرەمەت قۇبىلىس، – دەيدى نادكارني، – ەگەر، مۇنداي جاعدايدا يممۋندىق جۇيە قالاي قىزمەت ەتەتىنىن جاقسى تۇسىنە العان بولساق، وندا ونىڭ پرەەكلامپسييادا نەگە قاۋقارسىز ەكەنىن انىقتاۋ قيىنعا سوقپايدى».

فوتو (تۇرلى بەينەلەردەن جيناقتالعان): سوچيتا نادكارني، ۋيلليام حارۆي زەرتتەۋ ينستيتۋتى، مارييا حانشايىم اتىنداعى لوندون ۋنيۆەرسيتەتى; نەيل دافتون

اۆتورى: كەترين تسۋكەرمان


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ