Үйінді астындағы өмір — National Geographic Qazaqstan
.

ۇيىندى استىنداعى ومىر

الەپپونىڭ وڭتۇستىگىندەگى سۋككاريدە بۇرىنعى مەكتەپ پەن مەشىتتىڭ الدىندا جۇرگەن بالا. مەشىت قايتا قالپىنا كەلتىرىلۋدە، ال جان-جاعىنداعى عيماراتتار ۇيىندىنىڭ استىندا جاتىر.

ازامات سوعىسى سيرييانىڭ قايناعان تىرشىلىگىن ۇيىندىگە اينالدىرىپ كەتە باردى. ەندىگى ماقسات – الەپپونى قالپىنا كەلتىرۋ.

الپىستى القىمداعان اميرا گارمان قۇلاعالى تۇرعان عيماراتتىڭ ۇشىنشى قاباتىنان كوشەنىڭ ارعى بەتىندەگى ال يارمۋك مەكتەبىنە كوز سالدى. بىر كەزدە وق پەن وتتىڭ وشاعىنا اينالعان مەكتەپتىڭ ويىن الاڭىندا قازىر قارۋ-جاراق قالدىعى شاشىلىپ جاتىر.

گارماننىڭ وتباسى كوپقاباتتى بيىك ۇيدە تۇراتىن ەدى، ول قازىر قابىرعاسى قۇلاعان قيراندىعا اينالعان. كوشە بويىنداعى ۇيىندىلەردىڭ اراسىنان قايتا اشىلعان دۇكەندەر، كوزدەرىن جەردەن الماستان ەرسىلى-قارسىلى جۇرىپ جاتقان ادامدار كوزگە شالىنادى. ۇرىس قيمىلدارى الىستاپ، الەپپوعا ۋاقىتشا قالىپتى ومىر ورالا باستاعان.

الەپپوداعى Riga Palace قوناقۇيىندە وتكەن ۇيلەنۋ تويى – سوڭعى تورت جىلدا بولعان العاشقى مەرەكە. قالا بىرتە-بىرتە قالىپتى ومىرگە ورالىپ كەلەدى. تورت جىلدىق قورشاۋ كەزىندە قوناقۇي قوجايىنى ناۆراس ريگامەن 45 قىزمەتكەرى اسكەري قيمىلدار شەبىنىڭ ماڭىندا، قوناقۇيدە تۇردى.

ەڭ كوپ زارداپ شەككەن كاللاس اۋدانى الەپپونىڭ شىعىسىندا ورنالاسقان. بۇل اۋداندى پرەزيدەنت باشار اسادتىڭ رەجيمىنە قارسىلار مەن دەموكراتييا جاقتاۋشىلارىنان قايتارىپ الۋ ۇشىن سيرييا ارميياسىنىڭ وزى بىر اي بويى قورشاپ الىپ، قيراتقان بولاتىن. بىر كەزدەرى سيرييانىڭ ەڭ ىرى قالاسى – الەپپودا 4 ميلليونعا جۋىق ادام تۇردى. ال قازىر ولار جۇز مىڭداپ بوسىپ كەتتى. جەتى جىلدىق كەس­كىلەسكەن سوعىس بارىسىندا بۇكىل سيرييا بو­يىنشا بىرنەشە ميلليون ادام باس ساۋعالاۋعا ماجبۇر بولدى. 400 مىڭنان استام ادام كوز جۇمدى. باشار اساد ۇكىمەتىنىڭ بىرنەشە قالادا حيمييالىق قارۋمەن تۇرعىنداردى اياۋسىز قىرىپ-جويۋىن بۇۇ قاتاڭ ايىپتادى. گارمان مەن ونىڭ وتباسى دا وسىدان ۇش جىل بۇرىن اۋىلعا باس ساۋعالاعان بولاتىن.

2016 جىلى جەلتوقساندا، ارمييا قالانىڭ بىر بولىگىن ازات ەتكەن سوڭ، ارادا بىر جىل وتكەننەن كەيىن 300 مىڭعا تارتا تۇرعىن قايتا ورالعان.

الەپپونىڭ شىعىسى، ال-مياسسار اۋدانىنداعى مەكتەپتە قىزدار ان سالۋدا. بەس جىل بۇرىن مەكتەپتە 15 مىڭ وقۋشى دارىس الاتىن، ونىڭ التى عيماراتى بولعان. قازان ايىندا مەكتەپ قايتا اشىلدى. ۋاقىتشا بولمەلەر مەكتەپتىڭ زاقىمدالعان عيماراتىن الماستىردى.

جۇما كۇنى تۇس الەتىندە سااداللا ال-جابيري الاڭىنا جينالعان وتباسىلار ماقتا كامپيتىن جەپ، وتكەن جىلى دۇنيەجۇزىلىك تۋريزم كۇنىنە وراي ورناتىلعان «ALEPPO» دەگەن جازۋى بار بيىك تۇعىرعا ورمەلەدى. بىر كەزدەرى مۇندا الەمنىڭ تۇكپىر-تۇكپىرىنەن ادامدار جينالاتىن. بۇلىنگەن عيماراتقا ىلىنگەن جىرىم-جىرىم باننەردە: «الەپپو – سىزدىڭ قالاڭىز جانە قورعاۋىڭىزعا مۇقتاج»، – دەپ جازىلعان. سوعىس كەزىندە قاڭىراپ قالعان الاڭعا ومىر قايتا ورالعانداي. بىر توپ جىگىت قالا ارحيتەكتۋراسىن زەرتتەۋ ۇشىن داماسكىدەن كەلىپتى. ولار قالانى قالپىنا كەلتىرۋ تۋرالى وي بولىسىپ، كارتاعا قاراي جۇرىپ قالانى ارالاپ شىقتى.

كاللاس اۋدانىنداعى تاعى بىر مەكتەپ – ال-يارمۋرك قاقتىعىس كەزىندە قارۋلى كۇشتەردىڭ بازاسى بولعان.

رايان الوۋلوۋ – 18 جاستا، بىر كەزدەرى 45-اق­ مينۋتتىق جەردەگى قازىر وپپوزيتسييانىڭ باقىلاۋىنا وتكەن يدليب قالاسىنان كەلگەن اناسىمەن بىرگە سۋرەتكە تۇستى. جاقىن ماڭداعى قوعامدىق ساياباقتاعى زايتۇن اعاشىنا ازاپ شەگۋشى سانالاتىن ۇكىمەت جاۋىنگەرلەرىنىڭ سۋرەتى شەگەلەنگەن. جاس جىگىت ار كوك شوپتىڭ ۇستىندە كەدەرگىلەردەن سەكىرىپ وتۋگە ماشىقتانۋدا. تەمەكى شەككەن ايەلدەر الىسقا كوز سالىپ، بولەك وتىر. وسى ماڭداعى قىمبات مەيرامحانادا بىر وتباسى باپتيستەر مەرەكەسىن اتاپ وتۋدە. الەپپو قامالىن بىر كەزدەرى سيرييا ارميياسى باسىپ الىپ، اساد ۇكىمەتىن قولداعان رەسەي اسكەري بازاسىنا بەرەدى. 14 جاستاعى قىزىل بەشپەتتى قىز سوعىس باستالعالى بەرى مۇندا بىرىنشى رەت كەلىپ تۇر. «ول وتە ادەمى، بىراق وتە كوڭىلسىز، – دەيدى مارييام. – ونى كوزىنىڭ ۇستىندەگى جارىلىستان العان جاراقاتى عانا ەمەس، باسقا دا كوپ نارسە مازالايدى. سيرييا قايتادان اياعىنا تىك تۇرادى دەپ ۇمىتتەنەمىز».

الەپپو قامالىنا كۇندەلىكتى كۇيبەڭ تىرشىلىك قايتا ورالدى. بۇل ورتاعاسىرلىق ساراي الەمدەگى ەڭ ەجەلگى جانە ەڭ ۇلكەن بەكىنىس سانالادى. قامالدى سيرييا اسكەرى سوعىس كەزىندە بازاعا اينالدىرىپ جىبەردى.

جارتىلاي قيراعان عيماراتتاردىڭ اراسىنداعى دۇكەن تەرەزەلەرىنە سيرييا تۋى سالىنىپتى. 12 جاستاعى احماد ساممان ەسىمدى ارىق بالا قيراعان بالكونداردى ارالاپ جۇر. ونىڭ اكەسى سوعىس كەزىندە جوعالىپ كەتكەن. احماد مەكتەپكە قايتا ورالعانىمەن، وتباسىنا كومەكتەسۋ ۇشىن شاشتارازدا جۇمىس ىستەۋگە ماجبۇر. قايتا ورالعاندارعا سۋ جانە ەلەكتر جارىعى جوق اۋدانداردى قالپىنا كەلتىرۋ مىندەتتەلدى.

گار-دە-باعدات باس تەمىرجول ۆوكزالىنىڭ ماڭىنداعى اۋماعى 17 گەكتارعا پارا-پار قالالىق ساياباق قاقتىعىس كەزىندە مينادان زاقىمدانعان.

كاللاسقا ورالعان گارماننىڭ ەرەسەك ۇلى وتباسىلىق ۇيلەرىن قايتا سالىپ جاتىر. گارمان كوپتەگەن وتباسى ايتەۋىر مۇندا قايتا ورالاتىنىنا ۇمىتتەنەدى، بىراق جان جاراسى جاقىن ارادا جازىلا قويماسىن تۇسىنەدى.

الەپپونىڭ شىعىسىنداعى كارم-ال-جازماتي اۋدانىنداعى حالىقارالىق اۋەجاي ماڭىندا جۇمىسشىلار تالقاندالعان جولدىڭ ورنىنا جاڭا جول سالۋدا.

اۆتورى: تسەلين حوگان، فوتو: سەباستيان ليستە


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

       

پىكىر جازۋ