.

وت ىشىندەگى وازيس

اۋعانستان – سوعىستىڭ ەمەس، ەلدىڭ اتى.

تاليبان شابۋىلدارىمەن قاتار ونىڭ اتى جاڭالىقتاردىڭ العاشقى لەگىندە جيى اتالادى. الايدا اۋماعى فرانتسييادان دا ۇلكەن وسى بىر تاياۋ شىعىس مەملەكەتى تۋرالى نە بىلەمىز؟ ونىڭ حالىق سيرەك باراتىن جەرلەرىنىڭ بىرى – بەكەم ۋاحان دالىزى. قۇلاققا تۇرپىدەي تيگەنىمەن، گيندۋكۋش تاۋ جوتاسىنىڭ ارعى جاعىنداعى مەكەن زورلىق-زومبىلىقتان ادا، تاۋ شىڭدارىن كۇن ساۋلەسىنە بولەپ، وزىنشە مامىراجاي تىرلىك كەشۋدە.

بىلتىرعى جازدا مەن تاجىكستان، پاكىستان مەن باتىس قىتايدىڭ تىك جارتاستى تاۋلارىنىڭ اراسىندا جاتقان وسىناۋ شولدى جاياۋ كەسىپ وتتىم. بىرنەشە اپتاعا فوتوگراف مەتتيۋ پالي ماعان سەرىك بولىپ، ەكەۋىمىز يسمايلدىق بەيبىت فەرمەرلەر وگىزبەن استىق باستىرىپ جۇرگەن اڭعارلاردان جوعارى كوتەرىلدىك. مۇزداي سۋىق جىلعادا سۋ ديىرمەنىنىڭ تاسى شىر اينالا ۇن تارتىپ جاتىر ەكەن. مۇزدىقتاردىڭ ەتەگىندە ورىك باقشالارىن كۇتىپ-باپتاپ جۇرگەن اۋىل تۇرعىندارى سوناۋ شالعاي كابۋلداعى قانتوگىستەن مۇلدە بەيحابارداي كورىندى.

بىز جولسىز جەردى قۇددى «جىبەك جولىنىڭ» كەرۋەنشىلەرى سەكىلدى جۇك ارتقان ەسەكتەرىمىزبەن كەسىپ وتتىك. 4250 مەتردى ارتقا تاستاپ، «زابارداست!» – دەپ ايعاي سالدىق. بۇل ساپارىمىز تۋرالى National Geographic جۋرنالىنىڭ قىرقۇيەكتەگى سانىنان وقيسىزدار.

جاياۋ جول

2013 جىلى پول سالوپەك «باياۋ جۋرناليزم تاجىريبەسىنە» بەت بۇرىپ، تاس داۋىرىندە العاش كوشە باستاعان ادام ىزىمەن 34 مىڭ شاق. جۇرىپ وتپەككە بەل بۋدى. ساياحات بارىسىندا ول كۇن سايىن جاھاندىق جىلىنۋدان باستاپ، ۇلتتاردىڭ كۇنكورىس قامى سەكىلدى وزەكتى ماسەلەلەرى مەن وعان تاپ بولعان ادامداردىڭ كوزقاراسىن جازىپ وتىرادى. جازبانى جۋرنالدىڭ وتكەن ساندارىنان، ال تولىق ساياحات بارىسىن outofedenwalk.org سىلتەمەسى بويىنشا وقي الاسىزدار.

اۆتورى: پول سالوپەك، فوتو: مەتيۋ پالي


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0

Publication author

offline 5 كۇن

ايبەك

0
Comments: 3Publics: 710Registration: 01-10-2016
       

پىكىر جازۋ

كىرۋ
*
*
تىركەلۋ
*
*
*
*
Password generation