.

كوككە ورلە

رۋۆەنزوري ۋگاندا مەن كونگو اراسىندا سوزىلىپ جاتىر.

رۋۆەنزوري تاۋ جوتاسىنىڭ قانشالىقتى جىلجىعانىن انىقتاۋ ۇشىن افريكاعا ساپار شەكتىك.

«كوتەرىلگەن سايىن وسىمدىكتەر الەمى تروپيكالىق جاڭبىرلى ورمانداردان – تاۋلى ايماققا، اشىق الاڭقايلارعا اۋىستى». —كريستيان زيگلەر

Cاياحاتتان 6 اي بۇرىن. باعىتتى جوسپارلاۋ.

مەن تەكتونيكالىق تاقتالارىنىڭ جىلجۋى رۋۆەنزوري تاۋىن ورنىنان قالاي قوزعاعانىن ەسەپتەيتىن GPS كوورديناتتارىن قولدانعان بىر توپ نەمىس گەولوگىن سۋرەتكە تۇسىرۋگە شاقىرىلدىم. ارتىنشا جوسپار قۇرا باستادىق. تاۋ جوتاسى ۋگاندا مەن كونگو دەموكراتييالىق رەسپۋبليكاسىنىڭ شەكاراسىندا بولاتىن. توپ ساياحاتتى، مەنىڭ وتىنىشىم بويىنشا، كدر-دىڭ كيكىلجىڭىنەن جىراق ۋگاندا تاراپىنان باستاۋعا بەل بۋدى.

Cاياحاتقا 2 اپتا قالعاندا. قاجەتتى زاتتاردى دايىنداۋ.

بەيكەر تاۋىنىڭ ەتەگىندە اۋا تەمپەراتۋراسى 30 گرادۋس اينالاسىندا بولاتىن. بىز كوتەرىلگەن سايىن كۇن سۋىتىپ، جەل كۇشەيىپ، قار جاۋا باستادى. بىرنەشە كۇننىڭ ىشىندە اپتاپ ىستىقتان قاتتى ايازعا دەيىنگى اۋا رايىنىڭ بارىن باستان كەشىردىك.

  • ۇيىقتايتىن جىلى قاپ
  • سۋ وتكىزبەيتىن سومكەلەر
  • GPS قۇرىلعىسى
  • شوكولاد (جەتكىلىكسىز)
  • كامەرا لينزالارىنا ارنالعان فيلتر
  • سۋرەتتەردى جۇكتەۋگە ارنالعان قوسىمشا ديسك
  • بيىكتىك اۋرۋىنا قارسى اسپيرين

Cاياحاتقا 48 ساعات قالعاندا. جولعا شىعۋعا دايىنبىز.

رۋۆەنزوري سەكىلدى بيىكتىككە ورمەلەپ شىعۋ مەنىڭ ارمانىم بولعان پاناماداعى ۇيىمنەن نيۋ يورككە، ودان ارى امستەردامعا ۇشتىم. ەڭ سوڭىندا، ۋگاندانىڭ ەنتەببە قالاسىنان بىر-اق شىقتىم. گەولوگتارمەن سول جەردە كەزدەسىپ، بارلىعىمىز بىرگە ەلدىڭ باتىس شەكاراسىنا جول تارتتىق. رۋۆەنزوري تاۋىنىڭ ەتەگىندەگى اۋىلعا كەلىپ، بەيكەر تاۋىنىڭ شىڭىنا شىعاردا قاتارىمىز­­عا 15 جۇك تاسۋشى مەن اسپاز جانە بىر قارۋلى كۇزەتشى قوسىلدى.

اۆتور جانە فوتو: كريستيان زيگلەر، نينا ستروچليككە بايانداعان وقيعا جەلىسىمەن.


ماقالانىڭ تولىق نۇسقاسى مەن الەمدىك زەرتتەۋلەردىڭ قاينار كوزىنە قول جەتكىزگىڭىز كەلسە، shopnationalgeographic.kz ارقىلى ونلاين جازىلىڭىز.

0
       

پىكىر جازۋ

كىرۋ
*
*
تىركەلۋ
*
*
*
جاڭا قۇپييا سوز